بسم الله الرحمن الرحيم

الاخوة اعضاء المنتدى الكرام
السلام عليكم ورحمة الله وبركاته

يطيب لي ان اعرض عليكم رحلتي البرية الممتعة التي تمنيت انكم تكونون بصحبتي فهي بحق رحلةجميلة قطعنا فيهاالفيافي والوديان والجبال وفي اول ايام العيد المبارك توكلنا على الله وجهزنا العزبة وكل ما يخص البر وملتزماته وادوات القنص والكل يعلمها انطلقنا من مدينتنا متوجهين الى البر الى ديرة يحبها قلبكم نأخذ منها المقسوم الي يكتبه الله ثم اليوم الثاني نطلق الى ديرة اخرى كي نغير المكان ونغير الجو صدنا طيور من حجل وشنير وبعدها انطلقنا للرحلة والقنص الليلي كي نقنص الارانب ويوم دخلنا المنطقة التي نتوقع فيها ارانب الا وذيك الارنب المسرعة كأنها البرق ورميت بالرشاش ولم يقسم الله شي المهم قلنا يعوضنا الله خيرا منها ولفينا بالليل ولم نجد شيئا نمنا بمكان قريب للوبران وصحينا الصبح والديرة مليئة بالقنوص والصيد جافل المهم صادفنا حجل وصدنا الي صدنا وفر الي فر غيرنا الديرة لديرة اخرى ومشينا العصر ونشوف ذاك الوبر واخوي يصوب عليه سلاحه ويرمي وربي يقسمه لنا وبعدها ذهبنا للبيت قلنا نريح تمت رحلتنا ثلاث ايام كلها قنص وتمشيه ..
قررنا في اليوم الرابع ان نقنص قنص اخر قنص موقع اثري اخذنا خوي لنا يعتبر امبراطور التحفير بس سلمه المسحاه والعتلة وهو يتولى امرها ذهبنا للموقع ونزلنا كل الادوات الحفر وحفرنا شوي واعترضت لنا صخرة والله اعلم اننا لم نصب الموقع الصحيح ونقطة الصفر معنا اسياخ النحاس واشر عليه وقررنا ان نغير الموقع ..
ذهبنا لموقع لا يبعد عنه حوالي عشر كيلوا وطبعا نحن معنا اسلحتنا وادواتنا ولا همنا الصيد والارانب مشينا جنب الجبل ونحن متوجهين للموقع يوم جينا الموقع والا الارنب يوم انفجت ونحن لم نتوقع انها ستظهر ونحن في الليل المهم طردناها وجهزت الشوزر ونكبس لها وارميها من ثاني طلق والا وهي ميته وربي قسمها وصار الصيد يوم نتمناه ما يجي ويوم ما يطري على بالنا يجي سبحان الله يرزق من يشاء بغير حسباب ...

واعرض عليكم صور للرحلة واتمنى انها تعجبكم وتنال استحسانكم :-
1-[IMG][/IMG]

2-[IMG][/IMG]

3-[IMG][/IMG]

4-[IMG][/IMG]