إعـــــــلان

**عاشق الشمال** · 2009-09-19, 01:39 AM

لا تعليق لهذا الجهاز الغريب

**ابو فيصل الحربي** · 2009-09-19, 07:20 AM

اول مرة اسمع عنه

من اين اتيت بهذا الخبر

دعاية اكثر من حقيقه

**عاشق الشمال** · 2009-09-19, 07:37 AM

هلا ابو فيصل

صبحك بالخير

والله هذا الخبر اللي جاني اليوم

ولا جبت كل المواصفات اللي سمعتها

بس موجود عند واحد ما اعرفه والله بس كشف اماكن لناس اعرفهم

وقالو لي شكل الوضع فيه شي مو طبيعي طبعاً فاهمني

**ابو فيصل الحربي** · 2009-09-19, 08:04 AM

تاكد هل الجهاز برازيلي من شركة منيروا

كل هذا الكلام دعايه لا تصدق

**عاشق الشمال** · 2009-09-19, 08:20 AM

الجهاز الماني والرجال هذا جاهم مرتين وكنت مواعدهم ولاكن ما حصل لي اقابله عندهم

اول مره كشف لهم بموقع واحد حوالي خمسة او ستة نقاط

ومشى قبل لا اجيهم بفتره قصيره

ومره ثانيه كشف لهم مكان اخر وحدد لهم المكان المناسب للحفر وجيتهم وما حصلته

انا هدفي بمقابلة الرجال ابشوف الجهاز اللي عنده واجربه بنفسي ولاكن ما الله قسم اشوفه

ولاكن قالو لي الشباب انه يشابه لجهاز يدوي عندي

ابوريك صورته

**عاشق الشمال** · 2009-09-19, 08:48 AM

هذي صورة الجهاز اللي عندي واكيد مر عليك يابو فيصل

الشباب قالو ان الجهاز قريب من شكل جهازي ولاكن الصيخ التوجيهي اللي بجهاز الرجال صغير وسميك واذا صار فوق الموقع المشتبه فيه يدور حول نفسه

وشفت المواقع اللي حدد تحس انها ماهي خليه من شي

وبعدين اي مكان ياشر عليه الجهاز ويطلعون له وهم بالسياره طبعاً ويجيبهم له لابد ان يكون مشغول او فيه شي من شغل قديم وليس جديد

والله يابو فيصل ولايهونون اخواني جهازه عجيب ولابد من وجود سر وراءه والله اعلم

ما اعتقد ان فيه جهاز بهالطريقه

واسف للاطاله

يوجد صوره لقيتها بموقع وحطيتها اذا تدل على شي ابجيب الصور اللي تخص هالموقع واذا تشوف انها مالها داعي ما نتعب انفسنا

**ابو صطيف** · 2009-09-19, 08:56 AM

عاشق الشمال - الهوى كله معك شمالي -

يعني بفهم من مشاركتك باءن الجهاز طبل وزمر ورقص ولف حول نفسه واوصلهم للهدف ولكنه مستخرج اليس

كذلك صح - ام ليس كذلك ولم اتفهم مشاركتك التي فيها صور لجهازك الذي يشبه ذلك الجهاز -

اذا كان كذلك كما انا فهمت - بدي افهم ليش الجهاز طبل وزمر ورقص ولف حول نفسه اذا لم هناك

اي شيئ -

فهمني بالشمالي - قبل ماتضرب معي الفيوزات

**عاشق الشمال** · 2009-09-19, 09:50 AM

لا يا عمي لا تظرب فيوزاتك بكرا عيد اعاده الله علينا ولجميع المسلمين

من اللي قالك ان المكان اللي دلهم عليه مستخرج اللي فيه بس قلي منهو اللي قالك

المكان انشا الله فيه خير
واذا كان قصدك اني قلت ان المكان اللي جابهم له الجهاز مشغول يعني انه من شغل الانسان وليس من الطبيعه

هذا قصدي بكلمة مشغول

وجهازي اللي معي مايزمر ولا يرقص ولا حتى يدلني على شئ

بسبب ان مكوناته من النحاس والحديد والبلاستك وغير هذا الرمان بلي اللي موجود فيه خفيف بالمره يتحرك بكل الاتجاهات

وهو صناعه محليه يعني مظروب ع راسه

اما الجهاز اللي اتكلم عنه ولم اشاهده فهو يختلف عن جهازي نوعاً ما

بس يابو صطيف يا غالي الا تعتقد ان الرجل اللي يفحص لهم المكان ويوجهه الصيخ من مسافات بعيده جداً وهو مسرع بسيارته انه انسان عادي !!!!!

بسراحه اشك انه يتعامل مع الجن او شي زي كذا والله اعلم

**عاشق الشمال** · 2009-09-19, 09:51 AM

طيب ابوصطيف ليش ما علقت على الصوره اللي جايه عرض اللي فيها سهم

**باحث** · 2009-09-19, 10:29 AM

المشاركة الأصلية بواسطة عاشق الشمال مشاهدة المشاركة

هذي صورة الجهاز اللي عندي واكيد مر عليك يابو فيصل

الشباب قالو ان الجهاز قريب من شكل جهازي ولاكن الصيخ التوجيهي اللي بجهاز الرجال صغير وسميك واذا صار فوق الموقع المشتبه فيه يدور حول نفسه

وشفت المواقع اللي حدد تحس انها ماهي خليه من شي

وبعدين اي مكان ياشر عليه الجهاز ويطلعون له وهم بالسياره طبعاً ويجيبهم له لابد ان يكون مشغول او فيه شي من شغل قديم وليس جديد

والله يابو فيصل ولايهونون اخواني جهازه عجيب ولابد من وجود سر وراءه والله اعلم

ما اعتقد ان فيه جهاز بهالطريقه

واسف للاطاله

يوجد صوره لقيتها بموقع وحطيتها اذا تدل على شي ابجيب الصور اللي تخص هالموقع واذا تشوف انها مالها داعي ما نتعب انفسنا

اخوي اذا الجهاز مثل هالجهاز

هذا صناعة يدوية

و مافي داخله اخوي عبارة عن زئبق ابيض ويوضع فيه بطارية ساعه و سلك

وهذا شايفه قبل 7 سنوات مع شخص يعمل عليه

و ازيدك من الشعر بيت

ما قال للشباب انه لو اخذ شعرة من راس احد الشباب وحطها عينه يعرف من صاحبها

اخوي عشرين كيلوا وين جالسين

هذا صتاعة اردنية

وطريقة صنعه سهله جدآ

لا تصدق في جهاز يبحث وانت بالسيارة

اذا أتصال الكونكت للأنترنت وانت بالسيارة ماشي يفصل النت معك تبي الاسياخ تعمل لخارج السيارة

اخوي هذي السوالف كانت تمشي على الحفيرة قبل 5 سنوات

الان بعد هذه المنتديات والتوعيه الناس عرفت الصح والخيال والنصب

وللمعلومية اصحاب هذه الاجهزة من واقع معرفتي ومخالطتي معهم

هم ( مرضى نفسيين )

تخيل في واحد يقول عندي صندوق تركي كل شهرين اجدد محتوى الجهاز و أذهب للموقع لأاتأكد من عمله فوق الصندوق

تساله ليش ما طلعته

يقول الله ما اراد للان

طيب وش تركيبة جهازك

يقول جاني منام و علمني رجل طريقة الصنع وقال لا تعلم احد يبطل عمله معاك

الله يخليك لا تصدق ما تسمع حتى لو من شخص عزيز مالم يقتنع به عقلك ومشيها له ان رأيته مقتنع وصعب يغير رأيه

وأحمد الله على نعمة العقل

للمعلومية الجهاز هذا يعتبر جهاز لا بأس فيه بتصنيفه استشعاري أن تم التدريب عليه و اتقان العمل بالميدان

كل عام و انت بخير

بصراحه خليتني اذكر ذاك الشخص و ضحكتني عليه الله يسامحنا و يردع لعقله

**عاشق الشمال** · 2009-09-19, 06:56 PM

هلا اخوي باحث مشكور على ردك

الجهاز اللي اللي بالصوره ماهو الجهاز اللي عند الرجال انا ما شفته وصحيح كلامك بسالفة الشعره بس ما قال شعره قال قطف سيجاره

الجهاز اللي صورته بالموضوع موجود عندي ويستخدمونه الاتصالات علشان الكيابل اول قبل الاجهزه هذي

وتسلم على الاضافه

**ابو فيصل الحربي** · 2009-09-19, 08:57 PM

حياك الله اخوي الشمري مرة اخري

وكل عام وانت بخير

بخصوص الاشاره ارى والله اعلم انها جديده

بخصوص الجهاز بطريقة عمله هو استشعاري

لكن لا اعتقد انه الماني

السبب ان الالمان اجهزتهم الاستشعاريه المعروفه لا توصل الي هذا المدي

قلت لك ممكن يكون برازيلي ليه لان شركة منيروا البرازيليه هي صاحبة دعاية العشرين كيلوا وما فوقها

بخصوص ان الجهاز لا يعمل علي اي طاقه كهربائيه هذا يزيد من فشله

بخصوص انه يعمل وهو في داخل السياره هذه دعايه ولا تصدقها

ممكن مشيت علي اصدقائك لكن لا تجعلها تمشي عليك

وصاحب هذا الجهاز من كلامك انه حدد لهم مكانين وذهبوا اليها ما علينا من انها مسكونه او بها شي من الشغلي الغير طبيعي ليه ما حفروا وشافوا الصح وين

هل حدد لهم نقطة صفر اتحداه انه يحدد لهم نقطة صفر

السبب انه من مسافه بعيده يستشعر المكان ممكن

اما يحدد النقطه الصحيحه مستحيل

عموما لا تتعب راسك مع هذا الجهاز الي ان تشاهده علي الطبيعه

وتعرف اسمه الحقيقي والشركه الام المصنعه للجهاز

وفي ذلك الوقت لكل حادثه حديث

هذا هو الصح لكل حادثه حديث

**عاشق الشمال** · 2009-09-19, 09:33 PM

هلا ابو فيصل

زي ماقلت اذا شفته انشا الله اشوف وش صناعته واخذ موقع الشركه

والله انا زي ماقلت ما دخلت راسي مواصفات هالجهاز

ولكل حادثً حديث

يعطيكم العافيه جميعاً على مروركم

وعيدكم مبارك وعساكم من عواده

**ابو فيصل الحربي** · 2009-09-19, 09:35 PM

وكل عام وانت بخير

ان شاء الله

زين الدله

إعـــــــلان

هل يوجد جهاز بهذه المواصفات !!!

هل يوجد جهاز بهذه المواصفات !!!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق