بص ي اخي انا هفتيك علي ئد علمي اهو يمكن تستفاد موضوع الاسياخ والكلام ده فكك منه موقعك اثري بمعنى ان فعلا كان في ناس هنا ودي بقايا اثارهم، فأفضل شئ بالنسبالك انك تحفر افقي ف اكتر منطقه مشكوك فيها بمعنى احفر اتنين متر بس وامشي بيهم افقيا متستعجلش ع النزول لتحت، دي نصيحة عن مجرد تجربه والكلام الصح اسمعه من اخونا طلحه لما يدخل المنتدى ان شاء الله، وربنا يوفقك

شكرا ليك اخي شرقاوي ربنا يزيدك يارب وفي انتظار اخونا طلحه ورأي الجميع ..

بس كنت عاوز راي حضرتك ف مسميات او نوعيات الحاجات دي عباره عن ايه مثلا

عليكم السلام ورحمة الله وبركاته

اهلا وسهلا اخي الكريم

بالنسبة لسؤال حضرتك هل دي دلاليل ؟

نعم هي دلائل اثريه تدل علي ان الموقع أثري زي ما أخبرك اخونا الشرقاوي.

الفخار وقطع الجلد هي اللي تعتبر دلايل أثرية
الصخور الامعه دي اللي ليها الوان دا عقيق مصري طبيعي موجود بكل المواقع وليس دليل أثري
باقي الصخور والاحجار ايضا طبيعيه

الموقع مدفني روماني
بس للأسف عليه تراكمات ترابية ضخمة جدا
لأن الدفنات الرومانيه في زمانهم كانت بتظهر في الارض البكر من اول متر لحد تلاته متر بالكتير .

لكن عمق تسعه متر وعشرة متر فما فوق فده عمق كبير جدا بسبب ان الموقع زي ما قولت لحضرتك عليه تراكمات كتير جدا .

بس الموقع مدفني يعني فيه احتماليه كبيرة بوجود مقابر مبنية من الحجر الجيري او الطوب الاحمر .

لو حضرتك عايز تستفسر عن أي شى اتفضل
تحياتي

شكرا اخي طلحه
ولكن انا توهت
اصل فيه ناس اجمعت علي ان الزلطه السوداء قطعه صغيرة من البازلت الاسود
وان الاحجار دي قطع او بقايا من العجنات
وتوضيح صغير هي القطعه ال شبه الجلد دي مش جلد دا هي عامله زي الخشب الرقيق حتي لو حضرتك ممكن تدقق ف الضهر هتلاقيها شبه الخشب ففي حد قال دي قطعة ورق بردي صغيرة قديمة فأرجو التوضيح علي كلامهم .. وشكرا

واصحاب الموقع لما كانوا حفرو لاساسات المنزل لاقوا حجر ابيض ناعم كان في قلب الطين ولكن مش عليه علامات اي طينه هما مكنوش يعرفوا دا ايه ورموه بس بوصفهم اتقال انه كان حجر مرمر فهل دا يخص حضاره معينه ..

مفيش حاجه تتوه حضرتك

بالنسبة للحجارة السودا إنت بنفسك بتقول عليها الزلطه السودا
وهي فعلا نوع من الزلط ولو شفافه شوية هتبقي عقيق مصري
والعقيق له الوان كتير جدا
وكل الحاجات دي طبيعية محدش صانعها
ومش دليل علي أثرية الموقع .

بالنسبة لقطع الحجارة البيضا اللي قالولك عليها
بقايا عجنات
اصلا مفيش حاجه اسمها عجنات
وسيبك من كل الكلام اللي بتشوفه في الفيس والجروبات .

بالنسبة للقطعه الجلد
فمن خلال الصورة هي بقايا مشغولات جلدية رومانية
قد تكون احذية او اي مشغولات للحياة اليومية .
والحكم علي الصورة حكم أولي

يعني ممكن حتت الجلد دي لو اتحللت مخبريا تطلع جلد حديث اصلا !

وبالتاكيد القطعه دي مش بردي !
بردي ايه حضرتك اللي هيقعد ماسك نفسه في الرديم والتراب ؟؟!

لما بنفتح المقابر الصخريه اللي بتكون بعيدة تماما عن اي نسمة رطوبه وبنلاقي البردي متحلل تماما
فما بالك ببردي في الرديم اللي كله رطوبه !

سيبك من الكلام ده


اقوي دليل أثري بموضوعك هو كسر الفخار
وهي بقايا مدفنية رومانية .

بالنسبة للحجر اللي قالوا عليه حجر الباستر او مرمر
فلابد من صور ليه علشان نحكم عليه .

اتمني لك التوفيق
وموقعك اكبر منك
وفي مثل تلك المواقع العميقه بسبب تراكمات الرديم لابد من كشفها بأجهزة رادارية .
او يتم مسحها اثريا بعمل مجسات بمساحات افقية كبيرة .

لو في اي استفسارات لا تتردد بطرحها
تحياتي لك

شكرا لك اخي طلحه وان شاء الله اي جديد هقوله لحضرتك

حياكم الله وبياكم وسدد على الحق خطاكم
رأيت لكم غير مرة إفادة متعلقة بالكشف عبر الأجهزة الرادارية
أرجو منكم مزيد بيان وتوضيح حول تلك المسألة الهامة
بوركت جهودكم وتقبل الله منكم وزادكم علما

حياك الله اخي الكريم أبو آسيه
ونورت المنتدي

موضوع إستخدام الأجهزة في الكشف عن المقابر المصرية موضوع يطول شرحه .

لكن بإختصار
معظم الباحثين عن الكنوز مش بيفرق معاهم نوعية المقابر من الناحية الأثرية .
يعني قبور سطحيه او مقابر مبنية او مقابر مقطوعه بالصخر ....الخ

هو عايز سرداب او بئر وغرفة فاضيه فيها توابيت وتماثيل ودهب وبالتالي ملايين الدولارت .

دا المفهوم عن الدفائن المصرية .
وطبعا الكلام ده غير صحيح

فلما يكون شخص بيعمل بموقع
طبيعة الموقع دي هي اللي هتدي احتمالات بنوعية ونمط المقابر بالموقع
يعني شخص بيشتغل في مناطق صخريه
غير شخص بيشتغل في مناطق طينية ترابية
غير شخص بيشتغل في مناطق صحراوية رمليه

ومعظم الباحثين ايضا مواقعهم بتكون تحت بيوت او زروعات وبالتالي هتكون في مناطق ترابيه وكمان مردومه وكمان فوق منها مخلفات السكنات الحديثه او الزرع.

ومعني ده ان لو الموقع ده فيه دلايل اثرية وفيه احتمال لوجود مقبرة فهتكون من النوع المبني .

لان اكيد طبعا مش هتكون من النوع المقطوع بالصخر لان مفيش اصلا صخر
هي مبنية ومردومه .
يعني هتكون زي ما بتكون بدور علي ابرة في كوم قش.
ومفيش غير احتمالين
الاول ان الباحث ينزل حفر عشوائي رأسي زي مكل الباحثين بيعملوا ويكون محظوظ وينزل فوق جسم المقبرة او بجوار احد جدرانها .

او ان الشخص يكون من الاول محدد شكل البناء تحت الارض وعارف ابعاده وعارف عمقه تقريبا .
ودا مش هيحصل الا بالكشف الرداري لباطن الارض .

لا شيوخ ولا كشف تنجيم
وكمان المجسات مش عمليه جدا
لان ممكن المجس يخبط في حجر .

علشان كده لما بنقول كشف بجهاز رداري
دا لأن الموقع كبير وعبارة عن رديم والمقبرة جواه .

وطبعا دا الرد العلمي
لكن انا عارف ان ده مش بإستطاعة الباحثين
علشان كده بديهم المعلومات العلمية وبحاول اتعامل مع طبيعة كل موقع وكل استفسار علي حدا

لأن في معطيات كتير جده بتتحكم في تحليل المواقع .

أتمني ان اكون وضح لك ما اقصدة بالكشف بجهاز رداري .
ولو في اي استفسار اخر اتفضل

تحياتي

اهلا اخي الكريم
حضرتك بتستفسر عن ايه بالظبط؟

مرحب بك اخي بستفسر علي هذا من الجرانيت الاحمر ام طبيعة لاقيناها في قلب الطين عمق ٥ ونص متر

ده أولا مش جرانيت خالص .. وثانيا" ملوش أى دلالة .. حجر عادى موجود وسط الدفن ..... فبلاش كل ما هتلاقى حجر تدورله وتتخيله مدلول .... الكلام ده بيخلى اللى عاملين شيوخ ودكاترة سكة أنهم يشتغلوكم .....