السلام عليكم اخي طلحة.
دلوقت انا واقف علي رصة الطوب ومستني حضرتك تقولي اعمل اية وسعت شوية ولقيت ان طبقة الطوب دي طالعة كدا زي مطلع للأعلي بس.
ممكن حضرتك تقولي هل ليها معني.

وانا اسف جدا عارف اني دوشت دماغك بس انا اثق في خبرتك بأذن الله

اخي الكريم طلحة.
دلوقت اثناء التوسيع لقيت حجرتين من الصخر محطوطيت جمب بعض الفرق بينهم حوالي 20 سنتي.
زي ميكون محطوطين باليد في اتجاة غروب الشمس.
هل هذا دليل كويس ام لا

السلام عليكم ورحمة الله وبركاته
اهلا اخ محمد

انا عايزك متخلعش اي شئ من الرصات الطوب
يعني اي جزء من حيط او بناء او رصة طوب سيبه علي وضعه ... ونضف حوليه كويس التراب والرديم .

لأن مش كل البنايات بتكون مقبرة
ممكن تكون اي بنايات هندسية او تكعيبات او ديكورات بناء

احنا عوزين جسم المدفن يعني البناء الاساسي اللي من خلاله هتدخل في جسم المدفن .

عامة طالما بدأ يظهر معاك بنايات او حيطان
فإن شاء الله تطلع البنايات الأساسية للمدفن .

ووياريت تشرح لي عن الحجرين اللي ظهروا دول .

وعاوز صور للرصات الطوب وللحجرين
وقولي عمق واتساع الحفر كام دلوقتي ؟

متابع معاك
وربنا يوفقكم

اخي الكريم سلام عليك.

الحجرين دول ظهرو اعلي رصة الطوب اللي تحت بحوالي متر وكانو جمب بعض في اتجاة عكس قبلة الصلاة بالظبط.
ودي صورة ليهم انا طلعتهم برة الحفر

ودي صورة لقطة شقف ظهرت في نفس الاتجاة انهردا.



عزرا اخي الكريم مش عارف اصور رصات الطوب من الطين اللي عليها لكن هحاول اشرح لحضرتك بالظبط الوضع.

حضرتك في الحفر الاول ظهرت رصة الطوب اللي قولت اني كسرتها ونزلت تحت .

انما في الحفر الثاني انا حفرت لحد طبقة الطوب دي مع توسيع الحفر افقي 2 متر في الاتجاة المشكوك فية.

اثناء التوسيع والنزول الي رصة الطوب ظهرت بداية رصة طوب تانية اعلي رصة الطوب اللي تحت بواحد متر فقط مشلتش منها حاجة هي عبارة عن رصة قالبين فوق بعض ومش متماسكة خالص سهلة الخلع.

انما رصة الطوب اللي تحت 4 قوالب فوق بعض ومتماسكة جدا وصعبة فالتكسير .

دلوقت انا واقف علي رصة الطوب المتماسكة دي وطلعت من عليها عظام كثيرة وقطعة الشقف المرسومة دي .

ومش عارف اعمل اية تاني
هل اوسع الحفر من الاتجاة اللي لقيت فية الصخرتين البيض دول ولا اعمل اية .

وشكرا جدا علي سعة صدرك اخي طلحة
دومت بصحة وعافية

اة صحيح نسيت اقول لحضرتك .

حضرتك عارف اني بحفر من بدروم.

العمق الحالي من ارض الشارع حوالي 9 متر لان في 3 متر بدروم ومتر خرسانة والحفر فالطين 5 متر إلي رصة الطوب المتماسكة.

واتساع الحفر كلة حوالي 3 متر .

إستفسار كمان معليش اخي الكريم

ما هو معني وجود رصة الطوب المتماسكة دي هل دي دليل لوجود مقبرة؟ وما علاقة هذة الرصة بالقبور؟

ولو في احتمال وجود مقبرة او اي بناء اي ان كان
دخولة هيبقا من رصة الطوب دي مدخلة من فوقها يعني ولا من أسفلها ؟

وهذا النمط طريقة دخولة هل هي سدة او قبوة او سقف مسطح ؟

انا حاسس والله اعلم اني قريب من شئ بس طريقة الوصل إلية مش عارف ازاي . وطبعا كل شئ بأمر الله . ثم خبرة حضرتك يا استاذ طلحة

ازيك أستاذ محمد
بص اخي الغالي
اولا الموقع هام
تاني حاجه التنقيب مفروض يتشاف بالعين ويتحس بالايد
وانا بحاول علي قدر الامكان افيد السائل بناء علي ما يمدني به من وصف لطبيعة موقعه ومش برضي اطلب تصوير لأن في ناس مش بتحب تصور
بس التنقيب زي ما قولتلك لازم يتشاف بالعين ويتحس بالايد .

فبالوصف اللي حضرتك بتصفه للرصات الطوب
كده في احتمال ان الرصات عباره عن قبور
يعني لو انت كاشف كل سطح الارض فوق مستوي الرصات كنت هتلاقي القبور واضحه .
بس علشان انت نازل رأسي وسط الحفر فمش هتبقي ملم بكل ابعاد الموقع .

احتمال ان دي قبور
لانها زي ما بتقول عباره عن مدماكين او اربعة مداميك
وكمان بسبب وجود العضم وكسر الفخار
والعمق ده مع الرطوبه عمق كبير بيخلي القبر يتحلل .

لو كان احتمال وجود قبور هو الاحتمال الاقوي فمعني كده ان في محيط الرصات دي يوجد مبني
اللي هو جسم المقبرة المبنيه .
وبصفه عامة النوعيات دي من الدفنات بتكون جماعيه يعني قبور علي مقابر علي بنايات

الحجرين الجيرين دول غالب الظن إنهم كانوا بجوار رأس الميت في القبر المحطوط فيه .
ولانك بتعمل بتربة بها طين والوضع صعب فمش هتعرف تشوف ابعاد القبر كويس الا لو نضفته من كل ناحيه .

بالنسبة لإستفسارك عن طبيعة المقبرة
انت دلوقتي يا اخ محمد بتشتغل في تربة مردومه يعني مش بتشتغل في قص صخري او ابار صخرية
والتربة المردومه دي نوعية الدفن اللي بيكون فيها
هو انهم بيحفروا حفرة كبيره في زمانهم وبيبنوا المقبرة بناء جوا الفراغ اللي عملوه وبعد كده بيردموا المقبرة .
وحولين المقبرة الهامه بيدفن قبور بسيطه او قبور سطحية .
وبصفة عامة الموقع مدفني وليس سكني
لأن صعب جدا تكون بقايا سكنية علي الاعماق دي .

المتوقع بموقعك انك تجد بناء كبير يكون طوب او حجر جيري بلوكات
ولو ده تم العثور عليه هيبقا جسم المدفن مجرد ما هتخترق المبني هتبقي جوا فراغ البناء .

بس علشان تلاقي مبني زي ده مفيش عندك غير احتمالين
الاول هو انك تكون كاشف الموقع بجهاز رداري ومحدد لك شكل البنايات تحت الارض والفراغ والعمق فهتنزل بناء علي كشف الجهاز فوق جسم المبني مباشرة .

الإحتمال التاني وهو اللي شغال بيه اغلبية الباحثين وهو انك هتنزل حفر عشوائي انت وحظك .

وللأسف الحفر الرأسي لو مصادفش انك تنزل فوق جسم المقبرة تماما ممكن تنزل جنبها بعيد عنها في محيطها وكل المناطق دي فيها رديم ماليان فخار وبقايا
علشان كده احنا بنحاول جاهدين توضيح كل المعلومات للباحثين لان دا تنقيب مفهوش مجاملات .

البناء المتوقع ممكن يكون غرفة او أكثر سواء بلوكات حجر او طوب احمر قباب او غرف مربعة.

وطريقة الدخول هتكون سهلة جدا بمجرد الوصول لجسم البناء.

دلوقتي في نقطتين
انك تتاكد من شكل الرصات المدماكين هل هي قبور ؟؟
ولا ماشية مسافه كبيرة ؟

تاني شئ بالنسبه للرصات المتماسكة
هل هل محددة يعني لها بداية ونهاية ؟
ولا الحيط ماشي لجوا مجبتوش اخره ؟؟

وياريت تصوير
او اشرح لي بالتفصيل كل حاجه .

بالتوفيق

الله الله يا خال طلحه

سلام عليكم انا من اسكندرية ، انته حفرت كتير ولسة مافيش حاجة وممكن الحفرة تنهار عليك ، ماتخليش الشيطان يطلعها في دماغك عشان يحصلك مكروه، لو في طريقة تمسح المكان بجهاز مسح راداري يكون الصح، والا المكان المحفور فيه مافيهوش حاجة مهمة ، والا ممك لكن علي عمق كبير جدا حيكون مكلف ومرهق في الحفر

وعليكم السلام .
اخي الكريم مش فاهم حضرتك تقصد اية بأن ممكن يكون في لكن علي عمق كبير جدا ؟؟؟

واية هو الجهاز الرداري

سيبك من حوار الجهاز والكلام ده يا خال محمد وأتبع اللى قالك عليه الخال طلحه

مصر قديمة جدا حسب اخر دراسة اثبتت ان عصر الاسر الفرعونية او مصر الفرعونية يمتد لاكثر من 30000 سنة وليس 7000، بالتالي احنا عايشين فوق مقابر وعمران الازمنة الماضية ، لو مش لاقي حاجة علي عمق 10 متر ممكن تكون علي عمق 20 متر مثلا، اما جهاز البحث الراداري فهذا هو احدث اجهزة البحث عن الدفاءن ، ويعمل بترددات مختلفة ويمكن ان يصل عمق البحث لاكثر من 100 متر

حبيبي تسلم فعلا الاستاذ طلحة بصراحة لة كل الاحترام والتقدير واستفدت من خبرتة كتير ربنا يجعل مساعدتة للناس في ميزان حسناتة

شكرا اخي الكريم علي اهتمامك بالموضوع.
حضرتك اكيد مش متابع الموضوع من اولة
بس عايز اقولك اني حفرت فالاول حوالي 16 متر لحد ما جبت المياة الجوفية ظهرت فبقة رمل صافية يعني مفيش بعدها حاجة.

الحفر الحالي اني واقف علي طبقة عبارة عن رصة من الطوب يعني دا المستوي اللي ممكن يكون فية شئ بكثرة الدلائل اللي موجودة دي .

الجهاز الرداري لا اعلم عنة شئ ولا اعلم من اين احصل علية .

مشكور جدا لاهتمامك اخي الكريم والله المستعان دعواتك

اخي طلحة شكرا جدا لحضرتك علي هذا الاهتمام.
دلوقت انا بنضف كويس عشان اصورلك رصات الطوب دي وعشان اعرف اجاوب علي اسألتك

دومت بصحة وعافية استاذي