فكل اللي انا عايز اعرفة لو في مبني هيكون تحت فالرمل ولا علي وش الرمل و مرتفع الي اعلي ولا بأكملة فالطينة

شكرا استاذ طلحة

لك الشكر والتقدير اخي طلحة انت انسان محترم
حضرتك . انا فالاول كان قابلني فرشة الطوب دي وبعدين كسرتها ونزلت تحتها حوالي 6 متر كمان.
وبعدين ملقتش حاجة فردمت.
من اسبوع بس بدأت الشغل تاني. اخ فاضل كدا قالي المكان عند الطوب وحاول تمشي افقي.
حفرت 2 متر وباقي 2متر علي فرشة الطوب.
ودلوقت احنا بنوسع الحفر في جانبين المشكوك فيهم لانهم فيهم كمية طوب كتير وبواقي كسر فخار بأشكال مختلفة.
مع اول متر افقي علي مستوي عمق ال2 متر كمية طوب احمر رهيبة وطوب محروق لونة اسود وقابلت قطعة من الصخور الرملية عرضها حوالي نصف متر زي درج السلم بالظبط شلتها وبردو في طوب كل دا علي بعد متر واحد فقط افقي .
انا قررت امشي بتوجهات حضرتك إلي أن يشاء الله.
اللي كنت عايز افهمة من حضرتك.
هل كل هذة المخلفات هي الرديم ؟
هل هذا مكان مدفني ام سكني؟
من أي عصر هذا النمط؟
لو في إحتمال وجود مكان مبني أي أن كان هو هل هذا المكان مبني فوق رصة الطوب أم أسفلة ؟
وأخيرا ما هو نمط أو شكل المبني قباب أو مبني صخري او غيرة ؟
ولك كامل الاحترام اخي الكريم وللعلم انا همشي علي توجيهات حضرتك . بس ياريت تستحملني معليش .

اخي الكريم طلحة المصري

كنت بس حابب اوضح لحضرتك نقطة معينة عشان حضرتك تتأكد من سلامة الموقع وخوفا من اي انهيار او ضرر لاي شئ. لانك من قبل نصحتني اوقف العمل للخطورة. فدا عشان كنت نازل عمق 13 متر كان.
انما دلوقت حابب اعرفك ان الشغل اسفل المنزل والمنزل عبارة عن دور واحد بس وعلي مساحة 250 متر منزل مربع. وعملين لبشة خرسانية متر ونص بفضل الله . والحفر في منتصف المنزل بالتحديد. ورصة الطوب أسفل اللبشة الخرسانية ب 3 متر فقط . ف لله الحمد مفيش اي خطورة لاني لو شاكك ان في خطورة طبعا هوقف كل شئ .
اتمني توجيهات حضرتك

بص ياعم محمد
مشكلة مشاكل الحفر تحت البيوت هى الحفر الرأسى
انك تيجى وتعملى حفرة متر وربع ولا متر ونص وتفضل نازل بيها لتحت سواء حفرة سايبة كده او حفرة خنزيرة اسمنت
المشكلة انك هتكون مقيد نفسك ومتلجم بأبعاد الحفرة دى
يعنى مش هتقدر توسع لأن لما هتوسع كده هتعمل قطرات والقطرات هتخلى الحفر يهيل
ولو نازل جوا خنزيرة صب فمش هتعرف توسع خالص ولا حتى تجس الارض لانك هتكون زى ما قولت مقيد نفسك بداخلها .


الموقع بتاعك أثرى
ومع الدلاليل اللى ظهرت معاك طوب وقطع شقف والحجر الرملى ده فكل ده بيدى احتمال قوى لأن دى مخلفات بناء يعنى عندك مبنى تحت الأرض
بإحتمال كبير هيكون مدفنى .

بس صعب نحكم على شئ من دلوقتى
لأن الحفر كده كان ضيق
وبما انك هتوسع دلوقتى

فالعمل كله هيكون افقى لأن انت متعرفش فين جسم المبنى تحت الارض

واى حته هتحفر فيها وتنزل رأسى هيطلع معاك كسر فخار ومخلفات ورديم

احنا مش عاوزين الدلائل دى لأن احنا خلاص عرفنا ان الموقع أثرى وان فيه شغل
احنا دلوقتى عاوزين نوصل لأى مبنى تحت الارض

فإحتمالات المبانى تحت الارض بتكون ازاى
الاول هو مبنى من الطوب عبارة عن مقبرة مكتمله ودى لها اشكال كتير يطول شرحها
الاحتمال التانى ان المبنى يكون عبارة عن اساسات مبانى سكنية مهدمة او اية مبانى لأى غرض غير الدفن
ودا برضوا موضوع يطول شرحه

فأنا علشان احكم على المبنى ده مدفنى ولا سكنى ولا بقايا مهدمه لازم اشوف المبنى مكشوف معلهوش رديم
او على الاقل اشوف اجزاء منه على بعضها يعنى مش متخلعه ولا متحركة من مكانها .

الناس للأسف فاكرة انك علشان بتنزل بالحفر وبيقابلك طوب او رصات طوب يبقا انته كدا نازل مباشرة فوق المقبرة !
ودا للاسف مفهوم خاطى لأن ببساطه مين عرفك اصلا ان هنا فيه مقبرة من الاساس علشان تنزل فوقيها

مكن يكون فيه مقبرة اه لان موقعك أثرى بس ممكن المقبرة دى تكون بعيده عن الحفر بتاعك بواحد متر ومتشوفهاش !
لان المقابر المبنية تحت الارض بتكون عبارة عن حاجه زى مجسم وانت ردمته.

هم بيحفروا حفرة كبيرة جدا ويبنوا مقبرتهم بأى رسم هندسى عاوزينه وبعد كده بيردموا الحفرة والمقبرة جواها وكل ده بيتسوى بالارض
وطبعا كل الشغل اللى تم ده فيه عمال قامت بيه فدا اللى بيخلف البقايا والمخلفات دى وراهم وحاجات تانى كتير مش وقتها دلوقتى .


انا بكتبلك كل ده
علشان اديك فكرة عن طبيعة الموقع وفنيات البحث والتنقيب
علشان متحطش بمخك انك هتحفر الحفرة دى هتنزل فى نص المقبرة بالظبط
لانك لما شيلت رصات الطوب قولت انك كنتوا فاكرين ان دا السقف !


انا مبرضاش اعقد الامور للباحثين وبحاول قدر الامكان ابسطها بس التنقيب مفهوش مجاملات!

موقع زى ده وتحت مبانى سكنية المفروض فيه انه يتم كشفه بأجهزة رادارية
ودا طبعا فوق استطاعتك انا عارف
علشان كده بحاول اوضحلك الامور كويس

لو انت فى مكان صحراوى او زراعى مكشوف كنت قولتلك اكشط وش الارض كله باللودر لحد ما تبتدى تظهر التربة المتغيره
وبعد كده تشتغل بالراحه وتنزل حته حته تكشف كل البنايات
لكن طبيعة الحفر عندك مختلفه وفيها صعوبة .


دا بصفه عامه اخ محمد
وهرد على إستفساراتك اللى سألت عنها بالتحديد



نعم كل تلك المخلفات والبقايا دا يسمى بالرديم وهو اثرى .

المكان لحد دلوقتى مفهوش ادلة كافية ان نؤكد انه مدفنى
بس بأحتمال كبير هيكون مدفنى بسبب أن ظهر معاك بلوكات من الحجر .

تحديد العصر برضو صعب حاليا بس الفخار اللى خارج معاك يصنف تبع الفترات اللى قبل اليونان والرومان
بس برضوا صعب الجزم حاليا لأن ممكن يظهر عندك كتابات على حجر جيرى ودى هتكون الفيصل فى بيان الحقبة التاريخية للموقع .

لو فية احتمال لوجود مبنى فدا هيكون فى التربة المختلطة يعنى اللى فيها شغل او المردومه او اللى فيها مخلفات
يعنى الرمال الصفراء الصافية او النضيفه مش هيكون فيها شغل وخصوصا لو كانت عميقة جدا
يعنى شغلك الافقى هيكون فى الامتار الاولى لحد رصات الطوب

بالنسبة لأنماط البناء بتاعة المقابر فيطول شرحها .
بس لو رومانى هيكون بئر تدخلك على قباب او فجوات مبنية وفى اشكال تانية كتير .
وممكن يكون المبنى حجرى بلوكات حجرية .



لو فى جديد معاك بلغنا
بالتوفيق

الله ينور ياخال طلحه كفيت ووفيت،

الله يكرمك يا استاذ طلحة .
فعلا بعد معني بحوالي 100 متر واحد بيحفر عشان يعمل اساسات لبيت جديد ظهر معاة قبتين جمب بعض تماما علي عمق 4 متر .بس دا تحت عني شوية لان انا علي تلة اعلي منة . وطبعا الحكومة تحفظت عالارض. الكلام دا من شهر بس.

انهردا استاذنا الكريم . ظهر معايا قطعة صغيرة عليها رسم بس مش مكتمل لانها مكسورة . هرفع لحضرتك كل الجديد اللي طلع معانا .وحضرتك تفهمني بأذن الله.
ومليون شكرا ليك يا استاذ طلحة ربنا يباركلك

السلام عليكم أستاذ طلحة.
أثناء التوسيع الافقي علي عمق 2 متر بالظبط وعرض متر و20 سنتي متر ظهر معايا طبقة من الرمال بس مخلوطة ليست رمال صفراء صريحة سمكها حوالي 20 سنتيمتر.
وتحتها طبقة زي اسمنت البناء حوالي 20 سنتيمتر بردو.
وتحتها طبقة تانية بردو من هذة الرمال وبها شقف وكسر فخار بس تحس إنة قيم شوية عن اللي كان بيقابلنا قبل كدا.
وهذة الطبقات مشية افقي فالاتجاة اللي بنوسع منة الحفر.
وللعلم هذة الطبقات مقبلنهاش في الحفر الديق علي نفس العمق.
ولقيت قطعة هرفعها لحضرتك ممكن تدل علي شئ الله أعلم.
دومت بصحة وعافية استاذ طلحة.

وفي سؤال كمان أنا أسف

ما هو قصد حضرتك بالتربة المتغيرة وما هو وصفها ؟

تحياتي لك يا استاذنا

استاذنا طلحة انتظر درك من عدة ايام .
لعل المانع خير بأذن الله
تحياتي لك

اهلا وسهلا اخ محمد

التربة المتغيرة هي الرديم المنقول الهش اللي تحس ان فيه اختلاف ملحوظ عن التربة اللي متلعبش فيها قبل كدة .

ومعظم الرديم بيكون قريب من المباني تحت الارض.

الراجل اللي حفر وظهر معاه قبتين طوب دا بيؤكد كلامي ان الموقع أثري مدفني
وان اي حته هتحفر فيها هيظهر معاك دلائل اثرية .

احنا دلوقتي عاوزين مباني تحت الارض
فالمفروض كان يتم ازالة الرديم بمساحه افقية كبيرة يعني مربع عشره متر . علشان لو ظهر اي جزئ من مبني ميضيعش منك.

او يتم تصوير الموقع بجهاز رداري.

عموما لسه الحفر عندك ضيق متر وعشرين سنتي دا ضيق جدا.


الإحتمال الأكبر لوجود المبني هيكون في عمق ما يقارب ٣ متر في الجزء اللي هتلاقيه التربة عامله زي التراب يعني مش رمليه صفرا.

اعمل مجسات في جميع الاتجاهات في الحفرة .
ممكن ربنا يسهل ومجس منهم يصد معاك في حجر او جدار مبني .
بس الطريقة دي انا مش بفضلها بس دا الحل الوحيد لعدم قيامك بالتوسعه.

الموقع هام علي فكرة ومدفني وفيه قبور سطحيه.

بالتوفيق

بارك الله فيك استاذ طلحة .

معليش عندي ثلاث اسئلة.

الاول . ما هو قصد حضرتك عمق 3 متر هل افقي ولا رأسي وبرأيك امشي افقي كام متر ؟

الثاني . ما هو قصد حضرتك بقبور سطحية؟

الثالث . ما هو عمق الرديم فوق القبر أم ليس معروف تحديدا؟

تحياتي لك يا طلحة باشا

بالنسبة لسؤال حضرتك الاول
المقصود بعمق ٣ متر يعني رأسي
لأن لو الارض بكر او معليهاش مخلفات كتيرة فعمق ٣ متر عمق كاف لظهور اي بنايات تحت الارض .
ودا مش قاعدة ثابته بس اعلي إحتمالية .

بالنسبة للسؤال الثاني .
المقصود بالقبور السطحيه يعني قبور بسيطه عبارة عن جثث ملفوفة بكتان او من غير وبتكون دفن جماعي او مفرد ومعظمها بيكون تابع للعصر اليوناني الروماني .
وبتكون في اول مترين من سطح التربه البكر.

وممكن تكون مدفونه بجوار مقبرة مبنية لشخص هام .
او عبارة عن جبانة كبيرة بمساحه افقية واسعة.
والقبور السطحية ممكن تكون قبور سايبه كده يعني حفرة بالرمال او مدعومة بكتل حجرية او طوب .

بالنسبة لسؤالك التالت .
لا توجد قاعدة ثابتة للأعماق ولكن كل ما كان الرديم به مخلفات اثريه فامشي معاه ينزل متر زي عشرة
المهن انك تكون بتشتغل في رديم اثري مش ارض طبيعيه .

تحياتي لك
وتحت امرك بأي إستفسار
وبلغنا بالمستجدات

مليون شكر لحضرتك يا استاذ طلحة .
واي جديد هبلغ حضرتك

اخي الكريم طلحة سلام الله عليكم

دلوقت يا باشا انا وصلت لطبقة الطوب اللي كنت حكيت عنها من قبل عمق 4 متر و2 متر افقي
وطبقة الارض اللي فوق رصة الطوب مباشرة طينة برمل.
وعلي بعد 2 متر افقي لقيت رصة طوب تانية بس قالب كبير مش زي اللي تحت .
والفرق بين الرصتين فالعمق حوالي متر واحد فقط .

ممكن حضرتك تقولي اعمل اية

دمتم بصحة وعافية