شكراا جزيلا اخي

لا يوجد جاهز يكشف ١٠ متر
سنة 2011 اتنصب عليك و مازلت انته غير مقتنع
ومثدق انه فيه مقبرة

يا اخي لم تقرا كلامي جيدااا .... كشفنا الاسبوع الماضي باحدث جهاز في مصر ... ووجنا مقبره علي بعر تلتاشر متر وعشرين .... اما جهاز سنه 2011 فكان جهاز تابع لهيئه الاثار ... واظن .. كشف عشره متر مش بعيد ..... شكراا علي المشاركه تحياتي

جوبونا الله يكرمكم

الصبر زين أخي انتظر مرور صاحب التخصص الأخ طلحة
فهو صاحب الاختصاص بهذا القسم .

شكراا حبيبي انا منتظره .. فعلا والله ... هوه دقيق جدا ...وكلامه ثقه جداا

الله يخليكم هوه باين الناس بتتاخر فالاجابه .... فلو حد تكرم وجاوبني .... ياريت يجاوب علي .. الجزئيتين اولااا هل المقبره ممكن تنزلق ..... ثانياا ... هل فعلاا لو فيه تماثيل من نهايه الاسره السادسه ... ممكن تكون تماثيل من عوام الناس وتكون ملهاش لازمه وملهاش تمن

يا جماعه في تاخير كبير فالاجابه فالمنتدي هنا مع كامل احترامي... يعني لو فيه واحد دلوقتي بينصب عليه علي متردوا تكون فلوسي اتاخدت مني ولا هديت بيتي .ولا ولا مش معقول كده

الاخ ابو طلحه الله يكرمك ... جاوبنا يا اخي ... محتاجين لخبرتك جداا

تم نقل الموضوع لقسم

• قسم استفسارات البحث والتنقيب

السلام عليكم

الاخ صوت الحقيقة
عذراً على التأخير للظروف

انت صابر على الموضوع بتاع المقبرة من 2011 ومش صابر نتأخر كم يوم فى الرد غصب عننا .

سأقرأ موضوعك جيداً وهرد عليك دلوقتى

تحياتى لحضرتك

عليكم السلام ورحمة الله وبركاته

أهلا بك أخى صوت الحقيقة
هو موضوع حضرتك مش مجرد أستفسار عن شئ يخص التنقيب دا يعتبر فضفضة
علشان كدا انا هرد عليك بالتفصيل

واضح أن حضرتك مقتنع تماماً ان موقعك دا فيه مقبرة
انا مش هجادلك بالنقطة دى لأن انت سيد الموقف واللى واقف على أرض الواقع
انا برد على اللكلام والصورة اللى هتوصلها لى .



@ انت بتقول ان المقبرة فى الكشف الأول كانت على عمق عشرة أمتار وقمتم بعمل بيارة صب او طوب ونزلتم بها لحد عمق تسعة متر وظهرت المياه !!

انا لو مكانك ومتأكد ان عندى مقبرة ( مبنية ) على عمق عشرة متر وحفرت تسعه يبقا فاضل معايا كام عمق ؟؟؟ يدوب واحد متر
يعنى 100 سنتى متر دول مش محتاجين حفر اصلا علشان اتأكد من وجود جسم المقبرة يعنى الحجر اللى المقبرة مبنية منه يعنى المتر دا لو جبت سيخ ومع وجود الميه هنزل السيخ دا حتى 4 متر مش متر واحد.

يعنى كان يمكنك بكل بساطة عمل مجس للمتر الفاضل علشان تتأكد ان في فعلا بناء زى ما كشفوا على عمق عشرة متر ولا لا .!!

@
فى الكشف التانى قال ان العمق تلتاشر متر وعشرين سنتى !!
اولا أخى صوت الحقيقة بالله عليك العشرين سنتى هيفرقوا يعنى ؟
انا بحفر فى أرض وعندى غيب اسمه مقبرة بدور عليها وفى طين وميه وشغل صعب
المقاسات الدقيقة جدا دى مش منطقيه
العشرين سنتى دول يعنى شبر ونص اللى بيحدد ويحط مقاسات كدا ويحسسك انه شغال بالليز ومقاسات بالسنتيمتر ولا يعرف اى شئ عن التنقيب .

احنا دلوقتى معانا الكشف التانى اللى على عمق 13 متر يعنى البيارة بتاعتنا نازل تسعة متر
وطبعا معنى كدا ان الكشف الاول مكنش دقيق
خلينا على التانى
معانا تسعة متر حفر من 13 متر أحتمال وجود جسم المقبرة
يبقا برضو الاربعة متر الفاضلين ينفع يتعمل ليهم مجس
بس دا مش هيكون سيخ زى الاول لان الاول كنا عاوزين نجس واحد متر بس دلوقتى هنجس اربعه
فهتعمل مجس بماسورة وتنزلها لحد الاربعة متر وزود كمان متر يعنى خمسة علشان نشوف هتخبط فى حجر اللى هو مفروض جسم المقبرة ولا لا .


@نيجى للنقطة بتاعة وصف محتويات المقبرة!!
مع أحترامى لكل الناس اللى شغالة فى الشغلانه دى
انا عمرى ما شفت حاجه بتوصف محتويات المدافن بهذا الوصف الدقيق المبالغ فيه .

يعنى علما الاثار بيفتحوا المقبرة اللى هى اصلا فى جبل او تربه رمليه جافه وبيفضلو بالشهور يدرسوا فى تاريخها وعصرها وبعد كدا يعملوا تقرير موثق بالكلام دا .
يبقا الكشف بتاع الجهاز هيبين دا ؟؟؟ طبعا صعب
نقطة اخرى وهى بناء على كلام الاخ اللى كشف ان العمق معدى ال13 متر وانت بتقول الميه ظهرت على عمق تسعه فمعنى كدا ان المقبرة بتعوم فى الميه
واى كشف ردارى او تصويرى مهما كان بيتأثر بالمياة الجوفيه .
مش بالدقة دى مستحييل .


@ بالنسبة لموضوع ان المقبرة تنزلق !!!!

يا أخى انا مش عاوز اتكلم عن انماط بناء المقابر لاأن مش هخلص لو اتكلمت
الناس فاكرة ان المقبرة دى علبة كبريت ناس تقولك مردومه قمح وناس تقولك محطوط حوليها ازاز وناس تقولك مش عارف ايه

انا هختصر
انت موقعك ترابى رملى يعنى مش صخر
فلو فرضنا ان فيه مقبرة او اى بناء مدفنى فدا هيكون من النوع المبنى فقط
يعنى مقبرة مبنيه من الحجر الجيرى بلوكات الحجر او من الطوب الحجرى او من الطوب الاحمر
يعنى بناء هندسي
تخيل ان بيتك اللى انت ساكن فيه الان اللى مبنى من الطوب الاحمر ومدعوم بعواميد خرسانية
تخيل انك حفرت حفرة كبيرة جدا وجبت البيت دا وخلعته خلع من مكانه وحطيته بالحفرة دى وردمته

هل هينزلق لتحت ؟؟؟؟

بالطبع مستحيل
سواء فى تربة جافة او رطبه او حتى مع مياه جوفيه

المقبرة بناء هندسي مش مكعب او مجسم متماسك .
وانماط البناء متعدده جدا ومتشعبه .


@ النقطة الخاصة بقيمة محتويات المقابر
فأنا هختصرها لأن مينفعش ارد على كلام مش منطقى

بس بأختصار
كل شئ أثرى له قيمة أثرية معنويه لا تقدر بثمن
وأيضاً له قيمه ماديه .
تختلف القيمة على حسب حاجات كتير جداً

لكن محدش بيعرف الكنوز فى الارض عبارة عن ايه غير لما تظهر للنور وتكتشف .



سألخص عدة نقاط بموضوعك

#توجد أجهزة للكشف عن طبقات الارض وتحديد الفراغات والمعادن
# الكشف بالاقمار الصناعية له ضوابط ومعطيات لابد من توافرها جميعا للخروج بنتيجه ايجابه
تلك الضوابط والمعطيات فى معظم الامور بتكون غير متوفرة للهواة والباحثين عن الكنوز

#لايمكن ان تنزلق المبانى الاثرية التى تحت الارض وتغوص فى الرمال!
#محتويات المدافن لايوجد نمط ثابت لها وغير معلوم مالذى ستجده بعد فتح المدفن



ياريت تكون الأجابات واضحة
وأى إستفسار أخر أتفضل

طبعا شكرااا جزيلااا.... انا والله مش عارف اقول ايه ... اعبر بيه عن امتناني ..... هوه المكان فيه مقبره .. ده اللي بينو ... جهازين ... المشكله احنا في ازمه دلوقتي ... مش عارفين نعمل ايه ... الراجل قالي والله دي مقبره .. من مقابر عصر الاضمحلال ... قالي كلها حجات رديئه جداا ... ولو طلعتها محدش هيدفعلك فيها مليم .... سالته عن الاقمار وان كل الناس بتقول ده كذب قالي دي اقمار متخصصه ودقيقه جداا .... وقالي المقبره علي غور مياه جوفيه ... وقالي لوحفرتم الناس هتموت .. واتحمل ارواحهم في رقبتك ... وقالي انا هخسر ايه منه كنت هقولك افحر ... وانا مش هتكلف حاجه .. واخد نسبه .... بس الموضوع خطير ... ومحتويات المقبره ... كلها من عصر الاضمحلال .. ملهاش قيمه ... مش قادر افكر ولا اخد قرار .... شكراا جزيلااا