اهلا اخى الكريم

مشكلة المواقع الترابية ان الدفن بها بيكون مش محدد مثل المواقع الصخرية

يعنى اديك مثال مقبرة من مقابر وادى الملوك
تلك النوعية من المقابر هى من النوع المقطوع بالصخر اى منحوت فى صخر الجبل
ومهما اتسعت من الداخل وتعددت غرفاتها فلها مدخل واحد فقط
هذا المدخل قاموا بردمه بعد الدفن
ف لو انت عاوز تكتشف تلك المقبرة كل ما هتقوم بفعله هو ازالة كافة الرديم من فوق المدخل مهما كان كميته
هتجد نفسك امام المدخل



لكن المقابر المبنية زى اللى عندك بتكون العكس
يعنى هما حفروا حفرة كبيرة جدا ايامهم فى زمنهم وقام العمال ببناء المقبرة بناء
يعنى مش نحت
مدخل وممر وغرف او قباب ..الخ
وبعد كدا يقوموا بردم الحفرة كلها وبداخلها المقبرة .


فعلشان كدا علماء الاثار والبعثات اللى بتنقب لما يجيوا يشتغلوا بمكان زى كدا بيقوموا برفع الرديم بمساحه افقية يعنى مساحة كبيرة
علشان لو فى اى جزء من جدار او مبنى يظهر معاهم
وطبعا بيكونا مستعنين بأجهزة وفى الغالب بيكون متحدد شكل الابنية قبل التنقيب .


لكن انت عملك عمل فردى ومعندكش الامكانيات اللازمه لاستخدام أجهزة

فاللى بيحصل كالتالى
وهو ان لما شخص يقوم بحفر عشوائى او لعمل بيارة او اساسات منزل ... الخ
ممكن يكون انسان محظوظ وربنا يكرمه وينزل مباشرة فوق جسم المدفن !

وفى معظم الحالات بيكون النزول بعيد عن المدفن زى حالتك كدا .

فبنحاول على قدر الامكان نقدم المساعدة
لكن دا تنقيب مفهوش مجاملات
ومينفعش اقولك احفر هنا هتلاقى كذا
دا اسمه رجم للغيب وكهانة

احنا بنتكلم بطريقة علمية

فممكن انت تجس الاول الموقع بعمل مجسات تشوف فى ابنية حجرية هتقابلك ولا لا
وكمان ممكن تفحص الاول الجزء اللى فيه التهيل او اللى اتخسف لتحت شوية .

لو كنت اوفر حظا ممكن يظهر معاك جزء من مبنى

والدلائل القوية للمبانى هتكون فى اول 3 متر

لو بإستطاعتك استخدام جهاز ردارى لتصوير طبقات الارض يكون افضل .

متابع معك
ولو فى اى استفسارات اخرى اتفضل

جزاك الله خيرا اخي طلحه معني كلامك اني افحت في البيت بشكل افقي مع علم حضرتك انها كانت ارص زراعيه وكان يوجد كسر طوب احمر وحجاره بيضاء وهل يوجد شى قديم مثل الاسمنت وسافعل بنصيحتك وبعد ذلك اتواصل معك جزاكم الله خير

يعنى ايه هل يوجد شى قديم مثل الاسمنت ؟
حضرتك بتسألنى ؟

سؤال اخي طلحه، هل مدافن الرومان بتكون فيها اشياء ذو قيمه تستاهل البحث ولا لا، هل قيمتها زي قيمه الفرعوني مثلا؟

وازاي نعرف الفرق بين كسر الفخار الفرعوني والروماني

شى ابيض في الطوب هذا ما اقصده ويوجد حجاره بيضاء ووانصاف قوالب وكسر طوب احمر لا اعرف طوله ولكنه عريض

لا توجد قاعدة ثابته لمحتويات المدافن
بمعنى مش كل مدفن يبقا لازم فيه توابيت وتماثيل بازلت ...الخ
لكن فى حاجه اسمها نمط
يعنى مثلا النمط اللى كان سائد ايام الدولة القديمة انهم يعملوا تابوت حجر مثلا والميت معاه تمثال حجر جيرى ملون مثلا
ودا مثال بسيط مش قاعدة ثابته برضوا
فلما اشتغل مقبرة من ايام الدوله القديمه هيكون عندى فكرة واحتمالات عن محتوياتها بناء على الانماط الاخرى لنفس المقبار بنفس الاسرة
يعنى مجرد احتمالات

الفيصل هو انك تكتشف المقبرة وتشوف فيها ايه .

بالنسبة لمقابر الرومان فهى عادى مشابهة لمقابر قدماء المصريين او بما يسمى الفراعنه
لكن بتختلف فى بعض السمات والتصاميم بتاعتها
والاختلاف الاقوى ويعتبر الفيصل بينها وبين مقابر الدولة المصرية القديمه هو العملات المعدنية
لاأن قدماء المصريين الاسر الاولى لحتى العصر اليونانى الرومانى مكنش عندهم عملات معدنية .

وبالنسبة لسؤال بتاع المقتنيات وقيمتها
فممكن مقبرة كبيرة جدا وعميقة ولها اكتر من بئر وفى الاخر تجد تابوت خشب متحلل
وتمثال خشب مثلا

وممكن قبر رومانى مجرد قبر بسيط مبنى مش مقبرة تجد به جره فخار بها 100 قطعة ذهبية !!
وممكن عمله واحده فقط تكون نادرة لها قيمة مادية عالية جداً .

دا بإختصار

بالتوفيق

ربنا يبارك فيك وفي علمك اخي

شكرا لك اخي طلحه لقد عثرت علي بعض كسر حجاره بيضاء وبعض كسر طوب احمر والطوب الاحمر عرض 15سم فهل هذا بدايه لشئ وهل بات المكان قريب وتقريبا كام متر

فخار والقطعه المستطيله جرانيت

شكرا اخي طلحه أثناء تفقدي للرديم وجدت هذه الاشياء هي عباره كجزء من حيطه او ما شابه فهي عباره عن جزء اسود محترق او متحجر ومن الجانبين لونه ابيض هل هذا يدل على شيء

شكرا اخي طلحه أثناء تفقدي للرديم وجدت هذه الاشياء هي عباره كجزء من حيطه او ما شابه فهي عباره عن جزء اسود محترق او متحجر ومن الجانبين لونه ابيض هل هذا يدل على شيء

اين اخي طلحه

اخي طلحه برجاء الرد

اخي طلحه برجاء الرد