إعـــــــلان

**Mohamedfikry** · 2018-09-18, 03:52 PM

نسيت جزء مهم انه بعد ٤ونص متر وجدت قطعه من الطوب الاحمر ومرسوم عليها عين بتبص علي المكان وسهم نزول الي اسفل

**الفراعنه** · 2018-09-18, 08:09 PM

يا ريت تصور وتبعت الصور

**Mohamedfikry** · 2018-09-18, 08:43 PM

حاليا الصور مش متاحه لان انا برا سوهاج لكن مجرد وصولي هناك بصور باذن الله

**طلحه المصرى** · 2018-09-18, 10:02 PM

المشاركة الأصلية بواسطة Mohamedfikry مشاهدة المشاركة

السلام عليكم ورحمه الله وبركاته
الاخ طلحه المحترم. انا حفرت فمنزل بسوهاج وقابلنا طبقات الحفر كالتالي
رديم متر ونص
طبقه طينيه صلبه جدا
طبقه طينيه مفرغه وبها عروق نخل
طبقه طينيه برمل
طبقه طينيه وكلها كسر فخار
طبقه طينيه مخلوطه برمل
طبقه طينيه مخلوطه بكسر عظام
طبقه طينيه مثل الشيكولاته وبها قطع فحم كبيره
طبقه رمليه ناعمه جدا ومن شده نعومتها عند جفافها تتطاير ويلصق باليد قشر لامع مثل الذهب واحنا دلوقت واقفين علي طبقه الرمال دي بس فيه مياه. ايه الحل مع المياه دي مع العلم انها تأتي من الجوانب

المشاركة الأصلية بواسطة Mohamedfikry مشاهدة المشاركة

نسيت جزء مهم انه بعد ٤ونص متر وجدت قطعه من الطوب الاحمر ومرسوم عليها عين بتبص علي المكان وسهم نزول الي اسفل

عليكم السلام ورحمة الله وبركاته
اهلا بك أخى الكريم

بالوصف اللى حضرتك ذكرته فدا معناه ان الحفرة اللى حفرتموها التربة المحيطة بها تعتبر منطقة أثرية
أى بها بقايا حضارات سابقة .

بس عاوزك تاخد بالك من حاجة
واضح أن حضرتك متأثر بالكلام اللى الناس كتبته على النت بتاع ( طبقات الأرض)
معلومة لحضرتك أخى الكريم ولجميع الأخوة الباحثين , لا يوجد شئ أسمه طبقات فوق الدفن او فوق المقبرة .
اللى فوق وبجوار وتحت الدفن او المقبرة اسمه رديم
الرديم دا مش مقصود ولا متعمد يعنى بيردموا فقط وعلى حسب مخلفات الردم والكسر والبيئة المجاورة لنقطة الحفر .

انا بكتبلك دا علشان تطلع من دماغك خالص موضوع سمك الطبقات دا
ان الاول طبقة كذا وبعديها طبقة مش عارف كام سنتى
وطبقة بتمط وطبقة مش عارف ايه
كل دا كلام فاضى .

اللى بيشجع فى مكان ما هو وجود دلائل أثرية
والتربة مع مرور الوقت وطبيعة الدفن بتبقا عبارة عن طبقات بس مش مقصودة
يعنى هما مش قاصدين تبقا كدا الطبقات دى
هم ردموا وخلاص

نرجع لموضوعك
الوصف اللى حضرتك ذكرتة بيدى إحتمالية قوية لان التربة دى تربة أثرية
والموقع كبير بمساحه أفقية
بس مفيش نزول لتحت ياريت تبطل حفر لأسفل
لأن معظم الشغل هيكون فى العمق الأول بجوار كسر الفخار .

وسيبك من موضوع العين اللى بتبص على المكان والسهم اللى نازل لتحت
هما لا كانوا بيحطوا عنين ولا اسهم فى الرديم
واى شئ يظهر فى الرديم مالوش دعوة خالص بالتوجيه للمدفن
يعنى تلاقى قلة فخار او زير او رقبة قلة بأى وضع ولا بأى شكل فدا مالوش دعوة ان يكون توجيه او أشارة ... الخ

الموقع أثرى وفيه أحتمالية عالية لوجود مجسم مبنى بالطوب الاحمر او جدران من الحجر الجيرى

بس عاوز من حضرتك
مزيد من الشرح عن الأتى

= الدافع للحفر فى تلك النقطة تحديدا ؟
= العمق اللى ظهر فيه كسر الفخار عبارة عن ايه ؟
= واشرح لى بالتفصيل عن كسر الطوب
شكلها وعمقها ...الخ
وادعم الموضوع بصور

بالتوفيق

**Mohamedfikry** · 2018-09-18, 10:45 PM

فعلا الموقع افقيا كبير لانه بيحتوي علي ٣غرف وده طبعا اكتشفناه بناءا علي تصوير بالقمر الصناعي وطبعا اللي صور الموقع نفسه هو بهيئه الاثار والمفروض ان الهدف بتاعنا علي عمق ٩متر و٦٠سم
اما بالنسبه لكسر الفخار فكان عباره عن طينه مليئه بقطع من الفخار الصغيره وهكذا بالنسبه للطوب

**Mohamedfikry** · 2018-09-18, 10:47 PM

اما بالنسبه للعمق اللي ظهر فيه كسر الفخار كان تقريبا ٤متر

**حسن عز الدين** · 2018-09-18, 11:09 PM

اخي هل هنالك جرن مخروطي بمحيط المكان الي تحفر فيه ؟
اخي هنالك تقنية عائق الماء يعني لما تقرب لدفين يبدا الماء بالخروج فتش عن بئر او مصدر قريب للماء واغلق مرور الماء على المكان الي تحفر فيه وربي يرزقك
طبقة الرمل عادة تكون اخر طبقة بيكون الهدف تحتها او فخ تحتها لسرعة انزلاق الرمل خذ حذرك

**Mohamedfikry** · 2018-09-18, 11:14 PM

هل لو تم حقن المكان يمنع مرور الماء

**طلحه المصرى** · 2018-09-18, 11:17 PM

المشاركة الأصلية بواسطة Mohamedfikry مشاهدة المشاركة

فعلا الموقع افقيا كبير لانه بيحتوي علي ٣غرف وده طبعا اكتشفناه بناءا علي تصوير بالقمر الصناعي وطبعا اللي صور الموقع نفسه هو بهيئه الاثار والمفروض ان الهدف بتاعنا علي عمق ٩متر و٦٠سم
اما بالنسبه لكسر الفخار فكان عباره عن طينه مليئه بقطع من الفخار الصغيره وهكذا بالنسبه للطوب

المشاركة الأصلية بواسطة Mohamedfikry مشاهدة المشاركة

اما بالنسبه للعمق اللي ظهر فيه كسر الفخار كان تقريبا ٤متر

اللى فهمته من كلامك ان الدافع للحفر فى النقطة دى تحديدا
هو بناء على ( كشف بالقمر الصناعى )
وانا ليا تحفظ على موضوع ( الكشف بالأقمار الصناعية ) دا

فلو فرضنا جدلاً بناء على هذا الكشف ان لديك مبنى أثرى تحت الأرض على عمق 9 متر
فحضرتك دلوقتى تقريبا حافر 5 متر وعلى الكشف بتاعه فاضل كدا 4 متر

وبناء على وصف حضرتك للتربة بعد الخمسة متر فيمكن عمل ( مجس ) بها

المجس اللى أقصدة هو انك تنزل اى حاجه حديد صلبة لعمق 4 متر وتشوف هتصد معاك فى شئ صلب وصخرى ولا لأ .

وانا مش من داعمى تلك الطريقة للعمل
بس انا عاوزك تستفاد من التجربة وتربط كل كلامك ببعضة .

يبقا دلوقتى عندنا كشف بالقمر الصناعى !
مبنى على عمق 9 متر ومفرقتش من النص متر !
حفرت 5 متر فراغ باقى 4 متر تربة
عمل مجس لل4 متر

لو عملت المجس وعدى العمق اللى كشفوا بيه فأنسي تماما موضوع الكشف دا .

نيجى للجزء العلمى بموضوعك
هو وجود الدلائل الأثرية
الدلائل اللى ظهرت عندك ايجابية جدا وتعطى احتماليه عاليه لكون الموقع اثرى مدفنى وليس اثرى بقايا سكنات او معابد
لان فى فرق كبير بينهم

فالمواقع الاثرية المدفنية بتكون بمساحات افقية عريضة وبتكون فى عمق متناسق بحيث انك اى حفرة تحفرها فى هذا المحيط هيظهر معاك كسر فخار ..

بس انت الان بقيت مقيد ومحدد بالنقطة دى فقط اللى حفرت ونزلت فيها لانك نازل هنا تحديداً
علشان ( الكشف بتاع القمر )
فبقيت ملجم نفسك بأبعاد وحدود تلك الحفرة فقط ونازل لاسفل لانك عاوز توصل للعمق اللى قالوا عليه وهو 9 متر ونص .

الموقع افقى مش رأسي بمعنى
ممكن يكون فى ال4 متر الأولى مقبرة مبنية بجوار تلك الحفرة اللى انت حافرها ومتشوفهاش !!
العمل الأثرى دايما بيكون افقى مش رأسي
بتشيل الطبقة أفقياً وتنزل بالسنتيمتر رأسيا لتحت .

فدلوقتى علشان انت تتخلص من الفكرة المسيطرة على دماغك وهو الكشف اللى قال ان فى غرف تحت الارض على عمق 9 متر ونصف
فاعمل اللى شرحته لك .

المجس عدى هذا العمق ولم يصد بشئ فأصرف نظر تماماً عن موضوع الكشف بتاع القمر
المجس صد فى شئ صلب على نفس العمق اللى حددوه يبقا لينا كلام تانى ساعتها .

ومعلومة ليك البنايات هتظهر فى الجزء الاول من الحفر مع المنطقة اللى فيها كسر الفخار .

متابع معاك واى جديد بلغنا
بالتوفيق

**طلحه المصرى** · 2018-09-18, 11:23 PM

المشاركة الأصلية بواسطة حسن عز الدين مشاهدة المشاركة

اخي هل هنالك جرن مخروطي بمحيط المكان الي تحفر فيه ؟
اخي هنالك تقنية عائق الماء يعني لما تقرب لدفين يبدا الماء بالخروج فتش عن بئر او مصدر قريب للماء واغلق مرور الماء على المكان الي تحفر فيه وربي يرزقك
طبقة الرمل عادة تكون اخر طبقة بيكون الهدف تحتها او فخ تحتها لسرعة انزلاق الرمل خذ حذرك

أخ حسن بارك الله فيك
المواضيع الخاصة بالحفر فى مصر تحديداً وتحديداً عن دفنات الحضارة المصرية القديمة
تختلف كثيراً عن مفهومك للأشارات والدفاين الرومانية والحضارات التى كانت خارج مصر .

وبمشاركتك بعض المعلومات بحاجه للتوضيح
اولاً مهما كان ( رشح الماء ) قليل او كثير فليس حل ان تقوم بالبحث عن مصدر قريب للماء ( وغلق مرور الماء على المكان )
اخى الكريم لايمكن غلق مرور الماء ابداً!!

الناس دى نازلين فى حفرة عمقها اكتر من 5 متر !! وتربة طينية رملية !!

ثانياً لا توجد قاعدة تؤكد ان طبقة الرمل بيكون اخر طبقة وتحتها الهدف او الدفين زى ما حضرتك ذكرت .
هذا الكلام غير علمى وغير مؤكد .

وجب التوضيح

تحياتى واحترامى لحضرتك

**طلحه المصرى** · 2018-09-18, 11:24 PM

المشاركة الأصلية بواسطة Mohamedfikry مشاهدة المشاركة

هل لو تم حقن المكان يمنع مرور الماء

مفيش حاجه اسمها ( حقن المكان )

**Mohamedfikry** · 2018-09-18, 11:37 PM

فعلا عملت مجس وانا دلوقت حافر تقريبا ٧ متر ووقف المجس وطلع بالمجس رمله سودا وبعديها وقف المجس واما خبطت عليه حسيت ان شي اتكسر لكن منزلش المجس ووقف علي عمق ١٠متر

**الفراعنه** · 2018-09-19, 02:06 PM

المشاركة الأصلية بواسطة Mohamedfikry مشاهدة المشاركة

فعلا عملت مجس وانا دلوقت حافر تقريبا ٧ متر ووقف المجس وطلع بالمجس رمله سودا وبعديها وقف المجس واما خبطت عليه حسيت ان شي اتكسر لكن منزلش المجس ووقف علي عمق ١٠متر

معلش هو حضرتك اخترتوا مكان الحفر بناء على ايه .. جهاز ولا شيخ

**Mohamedfikry** · 2018-09-19, 02:20 PM

كشف بالقمر الصناعي وشيخ معانا

إعـــــــلان

حفر بسوهاج

حفر بسوهاج

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق