اهلا بيك اخي الشرقاوي

البئر مدفني بس لازم تظهرلي باقي البير
يعني مش نص الحيط لان ممكن متكونش بير مكتمله .
لكن لو بئر مكتمله فهتكون مدفنيه
وقد تقودك لبناء مدفني كبير ومتشعب .

الموقع ده عبارة عن موقع مدفني تم حفره في منطقة جافة مناخيا ايامهم
وتم ردم الموقع بالكامل بالرديم
والرديم كان جاف برضو

عيبك شوية الرشح والرطوبة اللي جاين من الصرف والزرع.

لو الموقع صحراوي حاليا وجاف كنت هتعيش فيه الإكتشاف بمعني الكلمة .
لأنك هتشتغل علي نضافه وتربة جافه.
بس للأسف بالوضع الحالي صعب التنقيب .

لكن المشجع بالموضوع هو عرض البنايات الطوب
الحيطان والبنايات حجم محترم وهتكون ماسكة نفسها .

ويوجد ابار تاني في محيط البئر ده .
لأن الموقع كاكل كبير افقيا .

الفكرة الأساسية دلوقتي هي تفريغ البئر من الرديم اللي فيه , اللي للأسف بقي طين بسبب المياه.

فلو عندك الأمكانيات والإستطاعه للعمل بظروف زي دي بلغني .وانا هتابع معاك .

ياباشا احنا سعداء بيك اقسم بالله، فعلا في ابار تانيه ع وصف راجل كبير كان شافه زمان بس بيقول قريب من سطح الارض يعني نص متر او اكتر تقريبا شويه فحرنا ف المكان لقينا طبقه زلط مرصوصه رص كلها والزلط دا مش موجود في بلادنا نهائي يعني غريب ع بيئه المكان والطبقه دي واصلهه تحت اساس بينا وبين الجار ف ع الاقل حاليا مش هنعرف نتصرف فيهه وقولنا خلينا ف دا بخصوص المياه والامكانيات هنحاول ان شاء الله ع ئد مانقدر نشتغل رغم ضعف الامكانيات بس معتمدين ع توفيق الله، ان شاء الله بكره هنحاول نكشفه كله واصوره صور واضحه، بخصوص الحضارة موضحتش لسه ولا ايه،

احنا اسعد بتواجد أشخاص محترمين مثلك عندنا بالمنتدي .

بالنسبة للحضارة
فكل شئ يتم العثور عليه اسفل رمال مصر ينسب للحضارة المصرية القديمة .
ومفيش حاجه اسمها الحضارة الفرعونية
وانا اتعمد في كل كتاباتي الا اذكر كلمة فرعونية بل الحضارة المصرية القديمة .

وتلك الحضارة تستمر منذ بداية عمر البشرية علي ارض مصر الي زماننا الحالي .
ويمكن تقسيمها لعدة اقسام عامة
كعصر قبل الاسرات
الدولة القديمة
الدولة الوسطي
والدولة الحديثة
العصر البطلمي او اليوناني
العصر الروماني
الحقبة المسيحية
العصر الإسلامي

الموقع الأثري الواحد قد يضم في طياته اكثر من عصر
فبعض الجبانات وجد بها دفنات من قبل الاسرات مرورا بالدولة القديمة ووجد بها ايضا عملات بطلمية وايضا دفنات مسيحية .

وتتشابة الجبانات كثيرا في محتويات الرديم الخاص بالدفن .
بعض المواقع يتم تميزها بسهولة بسبب وجود لقي اثرية عليها كتابات سوا هيروغليفية او رومانية .

ظهور الدفنات السطحية بموقعك ولفات الكتان والفخار تعطي احتمالية عالية بكون الموقع روماني او العصر المتأخر .

بالنسبة للبنايات الطوب فلو كانت ابار فربما تكون ابار دفن للدولة القديمة . ويوجد احتمال ايضا بأن تكون رومانية .

فيصعب الجزم الان وخصوصا لقلة اللقي الاثرية التي تؤرخ عمر الموقع .

عامة لو سؤالك مغزاه هل تلك المدافن ستكون هامة او غير هامة من حيث محتوي الدفن؟

فأقول لك
بأنه لا توجد قاعدة ثابته لمحتويات الدفائن من الكنوز .

فلربما مقبرة من الدولة الحديثه لا تجد بها الا توابيت خشب متحللة تماما ومنتهية وحتي تماثيلها قد تجدها متحللة تماما .

ولربما قبر روماني تجد به عملات نادرة الواحدة منها سعرها غالي .

فالموضوع كله احتمالات
والأرزاق بيد الله سبحانه وتعالي .

بالتوفيق

( مَن صَنَعَ إِليكُم مَعرُوفًا فَكَافِئُوه ، فَإِن لَم تَجِدُوا مَا تُكَافِئُوا بِهِ فَادعُوا لَهُ حَتَّى تَرَوا أَنَّكُم قَد كَافَأتُمُوهُ ) صدق رسول الله صلى الله عليه وسلم فجزاك الله خيرا علي علمك ووقتك وحسن خلقك، بفضل الله مؤمنين من بداية الموضوع ان الرزق كله بيد الله بس طبع الانسان دائما العجله والفضول عموما احنا ان شاء الله مكملين للاخر، والله لايريد بنا الا كل الخير، وان شاء الله اي جديد هنتابع مع حضرتك بالتفصيل وان شاء الله متغبش عنا بس هههه

السلام عليكم اخي دلوقتي الوضع طلع مش بير فعلا طلع شبه نص دايره دا رسم تقريبي للوضع اللي احنا فيه كملنا معاه لتحت حوالي متر لسه ممتد لتحت الجانب اللي ف الرسم اللي مكتوب علليه حائط موصلناش اخره من الاتجاه دا عشان مش عارفين نحفر تحت الحائط دا وكل الرديم شقف وحجاره وعرص فخار اللي ف الصوره اللي عليها الماده البيضا دي والاحجار احجامها مختلفه كل دا لسه ممتد معنا لتحت، بس زي ماحضرتك قولت الشغل صعب بسبب الميه وميه كتير موقفين شغل من يومين لما نشوف تصريف للميه ونفهم منك هل في نمط بناء كدا ولا هو بير لم يكتمل ومفيش حاجة ولو مش مكتمل الحجاره والعرص دي هتفضل مكلمه معنا عادي، اتمني اكون وضحتلك الصوره شويه

لا هو كده مش بير
بس دا بناء وهيكون جزء من جسم المدفن
في نوعيات من المدافن بتكون مبنية بطريقة هندسية يعني بناء متشعب
وممكن ده يكون مدخل لبناء افقي عبارة عن قباب

الحيط لسه نازلة لتحت
فلازم تكشف باقي جوانبها
حاول متنزلش لتحت دلوقتي بس امشي مع الحيط
نضف حوليها وامشي معاها
لازم تظهرها من كل الجوانب علشان نعرف شكل البناء
بس عامة انت كده في جسم المدفن


وارفق صور للبناء

بالتوفيق

السلام عليكم ، لو اي حد يعرف طريقه تقلل منسوب الميه شويه لايبخل علينا ، او اللي ليه خبره ف التعامل مع الظروف اللي زي دي يفهمنا مفروض نشتغل ازاي، احنا علي عمق تلاته متر والميه لو سبناها شويه بتوصل ارتفاعها اتنين متر تقريبا ،فمش عارفين نشتغل ازاي ، ودي صور للمكان اللي احنا شغالين فيه لو عملت زووم هيتضح شكل المكان، وبخصوص الحجر الجيري المبني اللي شغالين فيه طوب احمر ولقينا الحجر الجيري دا ف الرديم فهل في مبني لسه بالحجر الجيري ولا مجرد بقايا رديم عشوائي وخلاص ، اللي عنده علم لايبخل، وجزاكم الله خيرا،

الشكر والتقدير للاخ طلحه المصري علي معلوماته القيمه ولو يسمح لي بالتعليق علي هذا المنشور من واقع خبرتي العلميه والميدانيه
اخي الفاضل جميع الدلائل هذه تعود للحضاره الرومانيه والفرعونيه ويتضح من موقعك انك بمنطقة دفن مزدوج فان كنت تبحث عن دفين روماني فانه لن يزيد عمقه عن ٣ متر وان وجدت حجاره مسقوله او رجم حجري فاعلم انك مع الرومان وتحت الرجم يوجد قبر شمسي يكون راس الميت اتجاه شروق الشمس بحيث لو طلعت عليه الشمس لاحاطته بالكامل وهذه الجره التى هي بالصور هي جرة دفن روماني سوف يكون موقعها يمين راس الميت . وللكلام شرح يطول توضيحه .
اما ان كان تعميقك ٦ متر فما فوق فاعلم انك مع حضاره فرعونيه ومن الواضح والفعلي لما شاهدته من صور فخاريه انك مع الحضارتين ابحث عن جدار متجه للغرب مبني بطريقه منتظمه من الطوب الاحمر او الاخضر لوصولك لغرف الدفن الفرعونيه وتجنب النزول افقي اكثر من الازم منعا لزياده المياه
تحياتي لكم جميعا
و كل عام وانتم بخير ونعمه وسعاده يارب

اخي الكريم لابد من وجود بير دفن معزول من الماء واسهل واقرب لوصولك للهدف ابحث عنه عن طريق تحليلك الصحيح لاشارات والاتجاهات وانزل منه افضل

بارك الله في مجهودك اخي المهندس وشكرا ع جوابك، لو عملت زوم ع الصور الاخيره هيتضحلك شكل المبني اللي نازلين فيه هو هو يشبه البير الي حد كبير بس المايه جايه من بين الطوب وبعضه وخايفين من السحب يسبب انهيار للتربه بس ان شاء الله هنكمل بعد العيد وهي وظروفها بئا ، جزاك الله خيرا

وفي الليله الظلماء يفتقد البدر، مفيش حد يعرف اخبار عن الخال طلحه يطمنا عليه، لعله بخير ان شاء الله