السلام عليكم ورحمة الله وبركاته، كيف الحال اخي طلحه،، معلش الصور متلخبطه في بعضها وعشوائيه، اليك الوضع الجره اللي قابلنها قبل كدا اتاكدنا انها كانت قبر سطحي فعلا لاننا قابلنا وحده تانيه هي والمكحله اللي ف الصور دي وجمبهم بعض بقايا عظام، وفي نفس المستوي بعدها بشويه لقينا البتاع القماش اللي ف الصور شبه اللي كان بيلبسه الجنود تحت الخوذه في الافلام، او بتاع وحده بتلبسه علي شعرها معرفش، المهم واحد كبير في السن من اهل البيت قلنا وهو بيحفر خزان قديم لقي سور تحت متر ونص تقريبا وغير مكان الخزان عشانه بينا وبين السور دا حوالي خمسه متر فقولت هحفر فحر افقي بطول الخمسه متر دول اشوف ايه هيقابلني علي امل الاقي سور مقابل ليه في حدود المكان اللي بحفر فيه لان التاني بره وصعب الحفر عليه حاليا، بطول الحفر الارض طبيعيه ورمليه عادي وقابلنا الدفن السطحي اللي لقينا معه المكحله، قبل السور تقريبا بمترين او تلاته الارض طينيه شبه الصلصال حفرها بصعوبة وفيها كسر فخار بنسبه كبيره اضافه الي بعض الاحجار شبه الصخور غريبه علي طبيعه المكان عندنا موجوده في الصور وكمان بعض قطع ماده بناء شبه الاسمنت تقريبا بس اكتر صلابه شويه ملزوق فيها قطعه فخار او قطعه حجر شبه الصوان كدا،، والصفه الغالبه في طبيعتها طين صلصال اوقات تلاقي فيها عرق رمله ويختفي واولها من فوق كانت حمره كسر طوب احمر فعايز اعرف راي حضرتك هل نكمل في المكان اللي احنا فيه دا لحد لما نشوف اخر المخلفات دي ايه مع العلم ان لسه الارض طينيه لحد اتنين متر وباقي المكان الرمل الصافي بيظهر علي نص متر، ولا نحاول نفحر ع السور رغم انه هيكون صعب عشان خارج المبني اللي احنا فيه، مع العلم ان اللي شاف السور ووصفه انه مبني علي طوبتين بماده تشبه الجير دور طوب عادي ودور علي سيفه،، وهو ميعرفش بدايته ولا نهايته هو كشف جزء م النص وخلاص بالصدفه،، حاسس ان الكلام متداخل في بعضه وملخبط شويه بس ثقتنا في ذكائك كبيرة وانك حتفهم الوضع ان شاء الله،، تاني مكاني اللي نازل فيه باختصار يبعد عن السور حوالي اتنين او تلاته متر بالكتير والسور جاي من الشرق للغرب وبالنسبه للحفر هو اتجاه الشمال، والطوبه بالوصف عريضه وقصيره،، وبالنسسبه للبتاع القماش ايه دي هههه وهل ليها لازمه، دمت بود اخي وجزاك الله خيرا علي جهدك معنا وعلمك، ولو محتاج مزيد من الشرح اتفضل،

حمدا لله ع السلامة يارجل، والله فرحتي برجوعك اكتر من فرحتي بتأكيدك ان المكان اثري، بخصوص المستجدات واحنا بنفحر طولي افقي كدا لقينا بناء شبه دائري بس للاسف جه في اخر المكان اللي بنفحر فيه في اساس بيفصلنا عن النص التاني، يعني تقريبا بير علي بعد اتنين متر بس نصه جوا ونصه برا فمتوقفين من فتره ع اساس نبني اساس بره عشان نعرف نوصله كامل قطر البير تقريبي اتنين متر لاننا مش كشفناه كامل بالتقريب كدا من نص الدايره اللي شوفناها مقاس الطوب تقريبا 24#18#6 وكان فوقه طبقه شقف كبيرة حوالي خمسين سم وعظم اللي من ضمنه صوره الفك اللي فوق، ان شاء هنبدا الشغل تاني الايام دي وبفرض لقينا نص دايره التانيه برا واتاكدنا انه فعلا بير، هل النزول فيه في ظل المياه الجوفية دي خطر يعني معرض للانهيار ولا اللي استحمل السنين دي كلها هيستحملنا وايه الاجرائات اللي مفروض اننا نعملها للسلامه، وزي ماقريت بخصوص الابيار ان بيكون جواها مداخل لسرداب هل لو حلرت لما اوصل المدخل واتاكد انه الناحية دي رايك اكمل في المدخل ولا احفر من فوق وانزل عليها اامن يعني، انا بسال اساله كتير سابقه لاوانها انا عارف بس بستغل وجودك ههه لربما تغيب ثانيه اسال الله ان ييسر لنا ولك، اخر حاجة علي بعد عشرين متر من المكان دا نفس الراجل قالنا انه شاف مبني شبه دا حفرنا ع كلامه لقينا ارض عاديه وفيها بعض الفخار وبعدين في مكان وجدنا طبقه زلط مرصوصه رص بماده شبه بيضا مخلوطه بطينه لينه شويه مع العلم ان الزلط غريب علي ارضنا مش موجود هنا نهائي بس هو كان شافه قبل ما الارض تتبنى ايام مكانت زراعه وكلها مفتوحه ف بعض حاليا اتبنت وغالبا البناء اللي شافه برا بردو لان طبقه الزلط دي ممتده لبره، بس حاليا تركيزنا ف البير الاول وبعد كده نشوف، وحمد لله ع السلامه ثانيه

ان شاء الله هنستأنف الشغل قريب واتابع معك بالتفاصيل وحاليا الصور اللي معي مش واضحه اوي لما نكشفه كامل ان شاء الله اصورلك