صبرا أخي و لا تستعجل . و نعم الأخ طلحة المصري فقط من يمكنه افادتك و لا داعي لتكرار السؤال .بالتوفيق

وعليكم السلام ورحمة الله وبركاتة

اهلا اخ محمد

الفحم اللى بيعتد بيه كدليل أثرى هو بقايا النباتات المحترقة
يعنى انت تجيب شوية حطب او اخشاب وتولع فيهم وتتركهم يطفوا لوحدهم او تردم النار بتراب فينطفئ الحريق
يصفى على بقايا نباتات محترقة .
هو دا الفحم اللى بيلاقيه الأثريين لما ينضفوا مناطق السكنات الأثرية
او بيلاقوه وسط الرديم بتاع الأبار ومناطق الدفن
وبيكون مصاحب الفحم دا فخار متكسر ومخلفات حياة يومية
زى بعر بهائم وقطع طوب وكسر فخار وبقايا اقمشة .... الخ

يعنى كسياق عام الفحم الأثرى مش بيكون لوحده أبدا طالما بموقع أثرى
لابد يكون معه دلائل أخرى مصاحبة له .


دا بصفه عامة علشان تبقا عارف لما أقولك فحم كدليل أثرى ابقا قاصد ايه .

بانسبة للصورة اللى حضرتك حاططها للقشور السوداء دى اللى بتقول عليها قشور شجرة الجميز .

فأولاً دى لو قشور نبات ففين الفرع الخشبى اللى أتقشرت منه !
لأن اللى مصورة حضرتك دى طبقات وقشور
وانت بتقول قشور شجرة الجميز
فلو فرضنا جدلا ان دى قشور لشجرة او فرع خشبى فلابد لما تلاقيها تكون فى
طبقة ترابية سايبة نسبيا يعنى هشة مش متحجرة
لان البقايا النباتيه والافرع والجزوع لو اتردمت بمكان مع مرور الوقت هتخلى المنطقة دى شبه هشة
بسبب تحلل المواد العضوية للنباتات .

تانى شئ لو فرضنا ان دى فعلا جزوع شجرة فممكن تكون دى فعلا جذور اشجار بالمنطقة ومتحجرة .


يعنى دلوقتى عندنا أحتمالين
الاول ان دى مش قشور نباتات ودا الاحتمال الأقوى
الإحتمال التانى ان دى جزور أشجار متحللة ودا هيتطلب منك شرح لأنك تشرح لى بالتفصيل كل شئ من لحظة العثور على تلك الطبقات السودا
شكلها وسمكها وكانت ازاى وبتطلع بسهولة ولا بتطلع بتكسير بالهلتى ... الخ


لحد الأن الأدلة بالموضوع ضعيفه جدا

عاوز من حضرتك مزيد من الشرح عن طبيعة منطقة الحفر
واشرح لى بالتفصيل عن ما وصفته بالبئر
فكلمة بئر مالهاش معنى الا ان دا بئر معمول بالايد ومردوم
تانى شئ اشرح لى بالتفصيل عن اللى قولت عنهم جدارين او الحيطين اللى بينهم شخص بيحفر دا
وفى شئ ابيض وسط الحيطين دول شكلو حجر او طبقة جيرية

مزيد من الشرح عنه .



عاوز اقولك شئ
ان اى شئ يخص التنقيب مينفعش فيه المجاملات
وعلم التقيب قائم على الإحتمالات وما يستجد من نتايج الحفر
فى علماء كبار جدا كان رأيهم فى مواقع أثرية انها انتهت كدا ومفهاش اى اكتشاف تانى وتم أكتشاف خبايا بها

فالموضوع كله قائم على الإحتمالات ونتايج الحفر
بمعنى
ظهر عندك دليل أثرى زى كسرة فخار واحده فدا هيغير الموضوع تماما

متابع معك
وياريت الأخوة الأفاضل المشاهدين يشاركوا بأرائهم لإثراء النقاش
ولو فى أى معلومة محتاجة توضيح هنوضحها بإذن الله .

متابع