شوف يا غالى
أولا محدش هنا مهما كان ادارى ولا خبير ولا عضو (ملزم) أنه يرد على أى موضوع .
ثانيا هنا الخبراء بيقدموا المعلومة (مجانا)

بالنسبة لموضوع حضرتك
أنا لم اكن متواجد بالمنتدى بسبب مرضى ابنى .
وقمت بنقل المواضيع للأقسام المناسبة
ورددت على المواضيع التى يتابعها أصحابها.
ولم أعلق على باقى المواضيع حتى يتواجد أصحابها ومنهم موضوعك هذا
فبرجاء إحسان الظن

وبما انك موجود
فحضرتك حفرت 8 متر فى الأرض بناء على ايه؟
لو بناء على كلامك انك بالقرب من منطقة اثرية فدا مش مبرر ان الحفرة اللى حضرتك حافرها تكون برضو أثرية !

ثانى شئ السرداب ابو 500 متر دا مالوش وجود
وانا عارف بكتب أيه
مافيش سرداب طوله 500 متر فى الجبانات الاثرية
وكل الكلام دا بتاع سرداب طوله كيلو واتنين كيلو ونص كيلو وناس حفرت لقت تماثيل دهب وغيره ..كل دا لا يعتبر اكثر من كونه هوس بالمصريات وهوس بالدفائن .

الحاجات اللى حضرتك ذكرتها بموضوعك لحد الان يعتبروا نقطتين فقط
1- الاصداف والقواقع والمحار (متحجرات)
2-حاجات زى فروع النباتات

بالنسبة للمحار فدا متحجرات طبيعية من ملايين السنين وموجودة بكافة المناطق والطبقات الجيولوجية بالارض
وتوجد داخل الصخور أيضا وهى طبيعية ليس للانسان دخل بتكوينها .

بالنسبة لما وصفته بفروع نباتات
فياريت تشرحلى كويس عنه او ترفق صور ليه
لأن لو كان نباتات معينه فهيكون دليل اثرى .
وكل شئ وله تفسيره .

فبرجاء من حضرتك مزيد من الشرح عن
سبب الحفر بتلك النقطه
سطح الارض عبارة عن ايه
اول مترين من الحفر كانوا ازاى بالتفصيل
وصور لاى شئ مشتبه فيه او عاوز تستفسر عنه .

أتمنى لك التوفيق

ارجو اغلاق الموضوع و شكرا ..

كل الصور اللى نزلتها صور لتكوينات طبيعية لا تدل على أثرية المكان ... توفيرا لوقتك وجهدك انت تبحث عن المجهول .... ربنا يوفقك ويكرمك ويرزقك الخير كله

تم العثور علي السقف و شكرا للخبراء

اخى الكريم
لا تجعل من نفسك إضحوكة !
لا فى سقف ولا فى يحزنون
وانت هنا وسط خبراء ومتخصصين فمفيش داعى للكلام الغير منطقى .

ربنا يوفقك

ماشي انتم تمام مفيش سقف ولا تزعل روحك اقفل الموضوع و شكرا للنصائح الذهبيه .

حلوه الصيغه دى ؟؟؟

لا إله إلا الله ...........