السلام عليكم ...... تحياتي اخ . طلحه المصري

استاذ محمد ... المادة اللامعة هي مادة الميكا .... الدلائل مؤشر طبيعي علي وجود مكان ....

كان من المفروض النزول مباشرة علي المكان . قدر الله وما شاء فعل .

بما انك في ارض طينية 0...هل قابلتك طبقه طينية بها جرش او حصي شبيه بالاسمنت ... في مكانك بناءا علي الدلائل وكشف الجهاز ان كان التحديد دقيق من المفترض ان تقابلك علي عمق 2م ثم تتكرر معك علي عمق من 6 الي 7 م .بعدها ب2 م مفترض انك في مستوي الدفن ...
طبقة الرمال الاخيرة المذكورة ان كان قد سبقها مباشره طبقه صلبه . او متماسكه . فأنت في منطقة خطر ويجب ان تعمل بحذر لانك تعمل حاليا علي تفريغ التربه وسيحدث انهيار ......
حاول ترسم لي المكان المحدد علي الجهاز رسم هندسي وتحدد الاتجات الاربع الاصلية . وانشاء الله نفيدك بما يرضي الله .

شكرا جدا اخي الكريم
كلامك منطقي جدا
اما بالنسبة للفك فالمساحة الدائرية للخنزيرة 1.70 سم
فلو هذا الفك عبارة عن بقايا جسم كامل اكيد كنا لقينا بقيت هذا الجسم والعلم عند الله .هذا الفك وجد صدفة في وسط الردم

شكرا استاذ كريم
بالنسبة للردم اللي كان بيطلع معانا هو فعلا وقد سبق في كلامي انة مائل للرمادي شبة اللسمنت كدا زي ما حضترتك تقصد . وفعلا قبل الوصول لطبقة الرمال الناعمة قابلنا طبقة متماسكة

انا اقصد طبقه جرش بها حصي يشبه حصي المسالك البوليه سمك هذه الطبقه 40 سم للعلويه . اما السفليه من 80 الي120 سم. وفي كل الحالات كن حذرا فأنت في خطر من الطبقه المتواجد فيها حاليا .

وبدون احباط وضعك صعب للغاية ومحتمل ×

اهلا بك اخى كرم
كلام حضرتك سليم بخصوص طبيعة المكان والدلائل.
لكن
لا توجد قاعدة ثابتة لطبقات الحفر
بمعنى انك تجد طبقة كذا وسمكها كذا

تلك الطبقات والمسميات ليست دقيقة وليست واقعية
معظمها مما يروج له الشيوخ لكى يجعلك تكسر فى طبيعة الجبل وتحفر بالتراب
وبطبيعة الحال فأن كل سطح الكرة الارضية عبارة عن طبقات سواء طبقات صخرية او ترابية او كلسية الخ

بمعنى

اى موقع بالكرة الارضية ستحفر به ستجد طبقات جيولوجية متنوعة بعدة اشكال والوان وانماط مختلفة .

ما يخصنا هنا هو الرديم المفتعل بتدخل بشرى من الانسان
يعنى رديم منقول او ملعوب فيه
والرديم دا لما بيتم ارجاعه مرة اخرى فوق المقبرة (المبنية) فبيتم ارجاعة بدون قاعدة ثابتة
بمعنى
ان قدماء المصريين بعد بناء المقبرة فى الحفرة التى خصصوها لها يتم ارجاع الردم فوقها ولكن ليس بالدقة التى يتكلم بها البعض بأنك تجد طبقة سمكها كم سنتى واخرى سمكها كذاوكذا

هم ردموا فوقها فقط
ذلك الردم به اشياء متعددة مثل الرمال والتراب وبقايا الطوب وبقايا الفخار
وعند الردم بطبيعة الحال تلك الاشياء قد تتجانس مع بعضها
بمعنى
رمال
فحم
فخار
طوب
او كل ما سبق مخلوط

لكن هم لم يتعمدوا ان يضعوا (طبقات ) بمقايس محددة.

ارجو ان تلاحظ تلك النقطة جيدا
لأن دعم فكرة الطبقات الموضوعة باليد هو ما جعل الباحثين تفنى اعمارها فى التكسير فى طبيعة الجبال ومشيا وراء الطبقة الخضرا والحمرا والحنة ..الخ

وكل ذلك لا علاقة له بالعمل الاثرى لا من قريب ولا من بعيد .

تحياتى لحضرتك

تحياتي للأساتذة الكرام
ارجو الافادة في هذة النقطة
_ دلوقت احنا واقفين علي طبقة نشفة جدا والطبقة اللي سبقتها كانت زي ما زكرت قبل كدا ناعمة جدا .
والخنزيرة ثابتة دلوقت علي هذة الطبقة الناشفة ومش عارفين نكسر فيها خالص لان الرمال الناعة تأتي من تحت حواف الخنزيرة بنسبة من الماء وكل ما نشيل منها بتزيد اكتر فبالتالي مش عارفين نستكمل الحفر ومش عارف اية الحل عملت ضغط علي الخنزيرة من فوقت بواسطة كوريك كبير ومفيش فايدة مش جايب نتيجة
عاوز امنع تخلل الرمال الناعمة والمياة داخل الخنزيرة

اخى الكريم
هل الطبقه الناشفه اللى بتتكلم عنها عباره عن حجر كتله واحده ام انها طبقة طينه متماسكه ..مادتها ايه ودرجة تماسكها ؟
كان عليك من البدايه ظبط بداية الخنزيره بحيث يكون مستوى قاعدتها متساوى تماما حتى لو استوت على سقف مثلا تكون بلا مسام كبيره
عموما لا ترفع الكثير من الرمال الناعمه لانك بتسحب من جوانب الخنزيره وده ممكن يسبب ترييح للارض فى المستوى الاعلى وبالتالى لو العمل داخل منزل سيؤثر عليه
تحياتى لك وبالتوفيق

شكرا استاذ احمد
بس محدش قالي اية الحل

لم تجيب على سؤالى حتى يتثنى لى طرح حلول مناسبه

الطبقة لونها اصفر زي رمال الصحراء ومتماسكة بشكل كبير بس الحمدلله ربنا بيعنا علي الحفر فيها بس ببطئ
انما مش صخر

ده تقريبا حجر رملى والعمل فيه صعب لو كان متماسك
اخى الكريم اعمل خلطه من الاسمنت وتراب الفرن وقليل من الجبس اخلطهم بدون ماء وبعد سحب المياه ارميهم فى ارضيه الخنزيره وباستخدام ماسوه او سيخ حديد قلب الخلطه دى مع الرمل الناعم المبلل اللى تحت ودك بالسيخ الخلطه اسفل حواف الخنزيره وتحتها وبعد كده اتركها ليوم او يومين لتتصلب قليلا ثم عاود الحفر لكن لا تحفر تحت حواف الخنزيره الا بعد ما تعدى طبقة الحجر الرملى دى
هى وسيله مؤقته لقفل عيون الماء لكنها تتطلب مهاره فى دكها بالماسوره
اتمنى اكون افدتك بشئ

المياة زادت علينا ومش عارفين نتصرف معاها
ما هو الحل اصحاب الخبرة

اخى الكريم
كتبت لحضرتك حل بناء على وضعك وشرحتلك بالتفصيل .
لو فى جزئية مش واضحه بكلامى انسخها لى وانا اكتبلك كنت اقصد ايه منها .
انا متابع موضوعك
ربنا يوفقك

استاذ طلحة
قمنا بتفريغ الحانب اللي يوجد بة الطوب اللي كان معطل الخنزيرة عن النزول . وحفرنا حوالي 30سم بس الخنزيرة مش عاوزة تنزل معانا خالص واحنا محتاجين انها تنزل .فالبتالي المياة بتيجي من تحتها . عملنا ثقل فوقها وبردو مش عاوزة تنزل معانا المشكلة اللي انا فيها دلوقت ان الخنزيرة معلقة مش عاوزة تنزل والمياة زادت لانها لو نزلت هتحد من كمية المياة

اخ احمد أنا متفهم الوضع الحالى كويس جدا ، بس المشكلة ان الموضوع مش سلس وفيه فنيات حفر مش مظبوطه من الاول .
ففى حلول أخرى ولكن انت أصبحت محكوم بالوضع الذى أصبحت فيه . فنحن بنحاول نتعامل مع الوضع دا .
العمق كبير وكل ما يزيد العمق كل ما نسبة احتكاك والتصاق التربة المحيطة بالخنزيرة بتزيد ومقاومة النزول بتزيد اكتر خصوصا مع وجود احجار والرطوبة .

اللى حضرتك مش واخد بالك منه انك بتحاول تنزل الخنزيرة وبتزود ثقل فوقها وهى مش نازلة ومتعلقه .ودى اخطر حاجه لانها طالما متعلقه حتى ولو كانت مش هتنزل فإحتمال انهيار التربة حولها ونزولها فجأه احتمال كبير جدا جدا .. ولو حتى النزول كان نص متر بس فخطر
ودا اللى انا عامل حسابه لانك عاوز تقطر جانبى ودى المشكلة
لو هتنزل راسي بداخل الخنزيرة ولو 100 متر تانى مش مشكلة طالما راسى لكن القطر الجانبى خطر جدا .
تخيل انك قطرت من تحت حواف الخنزيرة وهى متعلقه ودخلت وراحت نازلة مرة واحدة هيكون ايه وضعك فى القطرة دى !!؟

على فكرة انا مش برضى احلل اى مواضيع بدايتها فى عك ولخبطه .ولكن بسبب الدلائل اللى عندك وكلام صاحب الجهاز فى نسبة كبيرة جدا لوجود مبنى قريب منك .

وفى مشاركتى السابقه كتبتلك طريقة للعمل .
الان الخنزيرة معلقه فلازم لازم تنزل
علشان نتلاشي انها تتحرك مرة أخرى .
بعد ما تتأكد من نزولها واستقرارها متحفرش اى شئ تانى لاسفل لأن حتى لو عملت ايه فلايمكن هتوقف رشح المياه .
تنزل الخنزيرة وتستقر
تيجى فى الجانب اللى شاكين فيه وتعمل فتحه فى الاسمنت بتاع الخنزيرة على شكل حرف U مقلوب .
ودا هيكون بابك للقطرة
ﻻان باقى الخنزيرة هيكون مريح على الارض وساند نفسه وانتى هتخش من الفتحه هتعمل جس للجانب المشكوك فيه .
التنقيب مش لعبه ولا هزار ولا فيه مجاملات .
والسلامة الشخصية أهم من اى شئ .

لو فى شئ جديد أستجد معاك اكتبه .
بالتوفيق