السلام عليكم ورحمة الله وبركاتو ندخل فى الموضوع: كنت بحفر بيارة لبيت قديم عندى وعلى بعد 2.80م او 3 متر تقريبا لقيت كمية فخار مكسر كتير ومكنش فية مياة لحاد اللحظة الى كشفت فيه الفخار او الشقف ولما شلتو وجدت انو طبقة شقف بالطين حوالى اكثر من نصف متر وكان موجود طوب احمر طويل ورفيع وعريض وكانت الارض رملة ناعمة جدا وفيها لامعة ولكن ليست بيضان زى ما تكون زرقاء مثل الطين من اول سطح التربة كانت شبة بيضاء وﻻ يوجد بها اى حبة رمل خشنة خالص لحاد 2 متر وبعد كدة تربة طينية زرقاء ولكن مش متماسكة زى ما الواحد يعرف عن الطينة الزرقاء المهم نزلت بردو شوية وجدت 3 قوالب طوب على سيفهم باتجاه قبلى بحرى ولكن القالب الثالث من بحرى كان نايم على بطنو وبنفس الارتفاع بتاع القالبين الاخرين ومكنش نفس الطول بردو انا قولت يمكن علامة لشئ وسكت بردو. نزلت شوية تانى لقيت طوب مبنى على يمينى لو انا وشى باتجاه البحرى يعنى الدوران دة شرق. خدنى حب الاستطلاع وكشفتو لقيتو زى حاجة مكبية والطوب مرصوص بانتظام طبعا والشقف دا طبعا بكميات كنت ممكن اطلع منو بالشكارة ال 25 كيلو فى منطقة صغيرة المهم نزلت شوية فى الدايرة المكبية شوية مش كتير بتاع 20 او 30 سنتى ملقتش حاجة تانى رجعت اكمل حفر للبيارة وجدت رصتين فوق بعض من الطوب واخدين الاتجاه الشرقى الغربى بخط مستقيم ودا كان تقريبا تقاطع ال 3 قوالب الى لقتهم الاول او كانو يشيرو الى الحائط المهم انا معرفتش اعمل اية وبحثت فى الانترنت ووجدت موقعكم المحترم يقدم الخدمة للجميع واتمنى ان يكون كلامى وصل بشكل صحيح وواضح دون اخلاط فى الموضوع واتمنى ان حد يدلنى على اية نوعية الحضارة دى وهل اكمل وﻻ اكبر دماغى؟ للمعلومة انا من صعيد مصر وهذة المنطقة تعتبر زراعية دخلها السكان فى السنين الماضية القريبة وللعلم المياة بتظهر فيها على نص متر من الحفر فى اى مكان. وشاكر افضالكم وبنتظار ردكم بالافادة ان شاء المولى ودى بعض الصور لكى تعكس بعض الاشياء الايجابية لتحليل الموضوع وسوف ارفق المزيد ان شاء المولى بس الموقع بيدينى صلاحيات محدودة لرفع الصور والله المستعان