تويت
انا بحفر في مكان والحفر بفضل الله عن طريق جهاز مش شوخ ولا روحانيات . اللي جايب الجهاز انا واثق فية تماما باذن الله لانة ماخدش مني ولا جنية . الجهاز حدد 5 نزلات للمقبرة و اقرب نزلة فيهم نزلة علي سقف علي عمق 17 متر وللعلم الجهاز دا انا شفت بعيني مصور لون الذهب بالاحمر جربناة في حتة بعيدة شوية مجبش اللون الاحمر وكمان حدد ان في فراغ يعني باذن الله موجود مكان والجهاز دا كان فية اربع مجسات وكل مجس متوصل بطرف فالجهاز المهم اني بفضل الله واثق فالجهاز دا . . نيجي بقا للحفر طبعا انا حفرت علي اقل عمق اللي هو 17 متر ودلوقت انا واقف عند 11متر قابلني كذا طبقة من طمية نعمة وشوية ارض صلبة وقابلني شقف كتييييير وكسر فخارات مرسوم عليها سيوف وغيرها مرسوم عليها وش اسد . المهم من بعد ال7متر ولقيت شلاات مياة كثيرة جدا ومفيش ولا غواطس ولا اي مكن شفط مية قادر عليها . مش عارفين نكمل حفر خالص من المياة .. لو سمحتم حد يقولي اعمل اية في المياة دي عشان اعرف اكمل حفر ويوصلني المعلومة صحيحة بالله عليكم .. نفسي اعرف ازاي امنع المياة الكتيرة دي
-
-
اخواتي الاعزاء نسيت بس اقول ان المكان في قرية جمب العامرية بعد اسكندرية والارض رملية وليست طينية والحمدلله بفضل الله الاجناب بتاعت الحفر متماسكة ومربع الحفر 2متر في 2 متر -
محدش رد عليا ياجماعة الخيرتعليق
-
انتظر دخول الاستاذ طلحه
تعليق
-
المشاركة الأصلية بواسطة ديجافو مشاهدة المشاركة
حياك الله اخى ديجافو
http://www.qudamaa.com/vb/showthread.php?t=53284سبحان الله وبحمده
سبحان الله العظيمتعليق
-
حياك اخوي .شفته مستعجل قلت ما يحلها له الا الاستاذ طلحهالمشاركة الأصلية بواسطة طلحه المصرى مشاهدة المشاركةتعليق
-
المشاركة الأصلية بواسطة Medo2016 مشاهدة المشاركة
اهلاً وسهلاً
اخى ميدو
أنا قرأت كل مواضيعك وهى حول نفس الموضوع
ورددت عليك بأحد المواضيع
انا اعلم ان حضرتك تعبت فى المكان
والموقع والله صعب جداً للدفن
عشان كدا انا مش عاوز اجازف معاك ولا اقولك شئ وخلاص
لأن اى حفر او شغل هتقوم بيه هايكلفك
فضلا عن عدم جدوى ذلك .
واقول لك بغض النظر عن ان المكان متحدد بجهاز ... الخ
لو حضرتك عايز تعرف كل معلومة متاحه عن طبيعة موقعك ومدى ايجابيته من عدمها
انا متابع معك
ومش هتأخر عليك بأى شئ
لكن انت مصر على معرفة شئ واحد فقط وهو ازاى انك تحفر بداخل بئر المياة دى اللى حضرتك فيها .
انا للأسف مقدرش انصحك بشئ وانا مش مقتنع بالنتيجه المرجوة منه
عشان انصحك بطريقة للحفر بداخل المياة لازم يكون فيه سبب قوى اصلا للحفر .
وانا من خلال كافة إطلاعى لم اجد مقبرة واحده بنيت فى التاريخ الفرعونى كله فى عمق المياة الجوفية.
لذلك فى حالة وجود اية بنايات أثرية بداخل ترب رملية رطبة او تربة طينية فأعلم
ان تلك البقايا لابد ان تكون بقايا سطحية مثل سكنات ومعابد ...الخ
ولو وجد مقبرة ( وهذا نادر جداً) بارض طينية او رطبة او يتخللها مياة
فاعلم ان ذلك ليس بمياة جوفية
بل مياة صرف من البيوت او مياة رى من الزروعات .
لانه لايمكن بحال من الاحوال ان يقوم الفراعنة بالدفن فى اى ارض رطبة تتخللها المياة الجوفية .
اتمنى لك التوفيق وتحت امرك بأى شئسبحان الله وبحمده
سبحان الله العظيمتعليق
-
اخي الكريم طلحة المصري .. ممكن فعلا المياة دي مش مياة جوفية .. انا جمبي علي بعد حوالي 50متر من مربع الحفر ترعة لري الاراضي الزراعية اللي حولي .. انا اللي قولت مياة جوفية من عندي وبعدين المية مش نظيفة ابدا يعني لا تصلح للشرب .. علي حد علمي ان المياة الجوفية صالحك للشرب .. واحب اوضح شئ .. المياة اللي ظهرت اثناء الحفر ظهرت علي بعد 6 متر من جميع اركان الحفر بتنزل من كذا فتحة من الاجناب انما بعد ال6 لحد منا واقف عند 10 متر مفيش اي مياة بتنزل من الاجناب خالص .. بس مياة غزيرة تكاد تملاء البير خلال ساعتين او 3تعليق
-
وبعد ازنك استاذ طلحة المصري .. انا خلاص حفرت 10 متر وفاضل 7 متر فكدا كدا عاوز اكمل علشان مقولش لنفسي بعد كدا يارتني كنت كملت .. فانا عاوز اقطع الشك باليقين باذن الله ثم توجيهات حضرتكتعليق
-
الاخ الكريم طلحة المصري معليش كل ما افتكر حاجة بكتبها هتعبك معايا انا اسف .. عاوزك تعرف ان لما الاراضي الزراعية اللي حولي بتروي اراضيها منسوب المياة فالحفر بيقل بعض الشئ .. وعلي ما اعتقد ان المياة ليست جوفية .. لان مفيش صرف صحي فالبلد والبلد بالكامل بتصرف عالترعة .. واحنا عملين طرمبة للبيت عشان نشرب منها وكدا لان مفيش خطوط مياة حكومية .. والطرمبة دي الماسورة بتعتها نازلة علي عمق 40 متر .. اعتقد ان المياة اللي مقبلاني فالحفر ليست مياة جوفية ولكنها مياة تصريف من البيوت والاراضي الزراعية زي ما حضرتك قولت والله اعلمتعليق
-
منتدي فاشل وكل اللي عاملين فيها خبراء .. ولا هما خبراء ولا نيلة .. تحس انهم ظباط مخابرات .. وبيسالو كتير اوي .. انتم فشلةتعليق
-
تم حظر العضو Medo2016
لاسائته للمنتدى ومحلليه
تعريف بأسماء مشايخ هيئة كبار العلماء بالسعودية وطرق التواصل معهم
قَالَ الشَيْخْ الأَلَبْانِيِ رَحِمَهُ الله:
"طَالِبُ الَحَقِ يَكْفيِهِ دَلِيلْ، وَ صَاحِبُ الَهوَى لا يَكْفِيهِ ألَفَ دَلِيلْ ،الجَاهِلً يُعَلّْمْ وَ صَاحِبُ الهَوَى لَيْسَ لنَا عَلَيهِ سَبِيلْ"
وقال :التحدث والتخاطب مع الجن بدعة عصرية
تعليق
-
المشاركة الأصلية بواسطة صباحو مشاهدة المشاركة
عذراً اخ ابيان
عذراً اخى صباحو
انا قمت بإرجاع المشاركة المحزوفة للعضو Medo2016
لأن الإسائة التى بالمشاركة تٌسئ لكاتبها ولا تٌسئ للمنتدى ولا لمحلليه بشئ.
وسأقوم بالرد عليه بالتفصيل .
سبحان الله وبحمده
سبحان الله العظيمتعليق
-
المشاركة الأصلية بواسطة Medo2016 مشاهدة المشاركة
الأخ ميدو
من حق كل عضو بالمنتدى أن يوجه النقد لأى شخص بالمنتدى طالما هذا العضو معه الحق.
ولو النقد بنقطة علمية ولدية من العلم ما يستطيع إظهار به صحة كلامة بالدليل والمنطق فلا بأس من اى نقد.
لكن توجيه الكلام بطريقة تافهة وبدون ادنى معاير الفهم فهذا إن دل فإنما يدل على مدى ركاكة تلك الشخصيه.
نحن لم نتأخر عليك بشئ والمنتدى لم يبخل عليك بشئ طالما بإستطاعتنا فعله.
والطريقة التى لم تعجبك فى التحليل (المجانية) يمكنك بكل بساطه عدم قبولها وابحث عن من يفيدك.
واضح ان الناس ناسيه او متناسية ان المنتدى مجانى ويقدم المعلومة والمساعدة مجاناً..!!!
تلك كانت لفته بسيطه عامه .
اما بخصوص كلامك السابق فأنا سأترفع عن الرد عليه لا بإسائة ولا غيره
ويكفينى ويكفى المتابعين ما سأقوم بوضعه من كلامك شخصياً
لأبين لك مدى عدم صراحتك وبالدليل
لكى تعرف بعدها من الكاذب من الصادق ومن العالم من الجاهل .
كل مواضيعك بالمنتدى حول موضوع غير مجدى هو التنقيب خلف توجيهات شيوخ وكشف
ودا اول موضوع ليك
شيخ روحاني يطلب ٧ رجالة يتدبحو في المكان
طبعاً كل (الكلام)اللى بموضوعك عن علاقتك بالشيوخ وانك جبت شيخ والشيخ قال ...الخ الخ
ودا كلامك بنفسكالمشاركة الأصلية بواسطة Medo2016 مشاهدة المشاركة
ولا تعليق على كلامك فكلامك واضح اوى انك جبت شيخ
ولو تلاحظ كل مواضيعك القديمة انا لم اكن متواجد بالمنتدى ولم انشط اى موضوع قديم
واكتفيت بالرد على المواضيع الجديده التى يتفاعل معها طارحيها.
بعد كدا نزلت الموضوع دا اللى رديت فيه عليك
ودا الموضوع
للخبراء
وردى فيه عليك كان كالتالى
المشاركة الأصلية بواسطة طلحه المصرى مشاهدة المشاركة
واعتقد ان ردى كان فيه اهتمام بموضوعك وتجاوب منى
ولكن لا يوجد اى استجابة منك لكلامى المكتوب
ووضحت ليك كويس انك شغال بناء على توجيهات شيخ لقيتك بتقول انا مش بشتغل بشيوخ
بالرغم من انك بنفسك بأول موضوع ليك بتقول انك جبت شيخ وقالك مش عارف ايه!
حضرتك قولت مش شغال بشيوخ وشغال بجهاز
قولتلك ماشى مافيش اى مشكله المهم انك تستفاد وتوصل لنتيجه اجبنى عن كذا وكذا عشان اقدر افيدك
حضرتك ولا انتا هنا
نحن ياخى الكريم لسنا بشيوخ كشف ولا عرافين حتى نرجم بالغيب ونخبرك بوجود كذا وكذا
لابد من وجود شواهد ومعطيات وكل العمل الاثرى لابد ان يكون رؤية عين
فما بالك اننا هنا نكتبه كتابة
الله المستعان
ولم تقتنع ولم تعقب على كلامى بهذا الموضوع
اخر شئ قمت بطرح هذا الموضوع الاخير
جهاز حدد لي 5 نزلات للمقبرة
ورددت فيه عليك بالرغم من تجاهلك الرد على استفساراتى بالموضوع الذى قبله .
اطلت معك النفس ولم أتأخر بشئ واعتقد اننى واضح بردودى وليس للأوهام ولا المجاملات وجود عندى .
لم تقتنع مره اخرى
وكل ما صدر منك وجاد به لسانك ان نعتنا بالفشل واننا عاملين نفسنا خبراء
المشاركة الأصلية بواسطة Medo2016 مشاهدة المشاركة
ويأبى الله الا ان يجعل لسانك نفسه يفضحك بنفس الوقت لانك بنفسك تقول ( وبيسألو كتير أوى)
اعتقد ان هذا اكبر دليل على اهتمامنا بكلامك وحرصنا على إفادتك
وإلا ما كنا دخلنا موضوعك ولا سألنا قليل او كثير .
وفى النهاية
انا لا أستطيع ان أثنى الإدارة عن قرار إيقافك
ولكنى اتمنى لك التوفيق
وانا فعلاً مشفق عليك لمدى المعاناه التى عانيتها بالحفر.
نسأل الله التوفيق والسدادسبحان الله وبحمده
سبحان الله العظيمتعليق
تعليق