اخي اي شي من دول الخليج او تركي .
ابتعد عنه.
وبالنسبه للمحلل الملكي من شكله ماينفع .

السلام عليكم
جهاز المحلل الملكي جهاز راداري يعمل على كشف المجال المغناطيسي للمعادن في باطن الارض حسب مافهمت من الشركة وقد استخدمته لمدة ٦ شهور بحيث لم يمر ٥ ايام او اقل الا استخدمه فيها واجريت عليه تجارب كثيره جداً
الكاتلوج تبع الجهاز يقولك انه يكشف حتى عمق ٣٥ متر او ٣٨ متر ، وطبعاً مثل مو معروف عن الدعايات تبع الشركات المصنعة يزودون بالعمق ولا اعتقد ان فيه جهاز بالعالم كله يكشف للعمق هذا لكن بالنسبة للمحلل الملكي اقصى عمق جربته عليه ٣ متر وكان ناجح نوعاً ما
وجربته على غطاء بركة قديمة على عمق ٣ متر بالضبط في حوش المنزل مردومة من اكثر من ١٠ سنوات وفوق الـ ٣ متر بلاط سيراميك وصورها لي بامتياز وعندي مقطع فديو صورته وقت التجربة وموضح فيه حتى شكل الغطاء بالتصوير واي احد يحب يشوفه انا حاظر .
عيوب الجهاز تتلخص بالنقاط التالية :
١- لا اعتقد ان الجهاز يجيب عمق اكثر من ٥ متر واعتقد ان ٥ متر كافيه ولكن كلام الشركة انه يكشف حتى ٣٨ متر ولو كشف لك دفين على هذا العمق ما اعتقد انك راح تقدر تطلعه .
٢- الجهاز لايميز بين انواع المعادن كما هو مذكور بالكاتلوج .
٤- لو دفنت ذهب او نحاس عشان تجرب الجهاز عليها ماراح يكشفها وقت التجربة لانها حديثة الدفن لان الجهاز لايكشف الا المعادن المدفونة قديما (مع اني كنت مكذب لهذه النظرية) وقد اثبت الجهاز ذلك من خلال عدة تجارب قمت بها واقسم بالله اني دفنت كمية ذهب لا يقل قيمتها عن ٥٠ الف ريال سعودي على عمق ٣٠ سم او اقل وقد مر الجهاز من فوقها مرور الكرام وجربت كذلك مع النحاس والالمنيوم والحديد ونفس النتيجة .

اتمنى اني افدتك اخي العزيز .

جهاز القولد ستيب اعتقد من نفس الشركة وسمعت ناس يقولون عنه فاشل وانا ماجربته ولا اعلم عنه اي شي

السلام عليكم
اخوي مشعل ماقصرت كفيت ووفيت ...
لكن الجهاز هو من شركه عربيه او اجنبيه ...
وكم سعره ... وجهازك للبيع او لا ...
ودمت اخوي ....

عليكم السلام ورحمة الله
عشان اكون صادق معاك الجهاز مكتوب عليه صناعة امريكية وسمعت انه صناعة عربية وسمعت كذلك انه صناعة تركية لكن ما ادري وين الصحيح والجهاز عموماً يعطي نتائج الله اعلم بها وصدقني اخوي مافي اي جهاز بالعالم متقن ١٠٠٪‏ وينجح في جميع الاماكن الي تستخدمه فيها والكلام هذا حطه قاعدة عندك وقبل ماتشتري اي جهاز سواء هذا او غيره من جميع انواع الاجهزة لازم تسأل عنه كثير وتحاول تعرف وش طبيعة الارض الي ممكن انه يعطيك نتائج ايجابية فيها ولازم تعرف نقاط ضعف الجهاز وفي ايش يتأثر و..الخ
كمان فيه نقطة مهمة جداً
الخيل من خيالها ولا كل من يمتلك طياره يصير طيار
جميع الاجهزة بحاجة الى ممارسة وتجارب كثيرة قبل النزول بها للميدان
يعني ماينفع تشتري جهاز اليوم وبكرا تروح تنقب عن الذهب
وهناك اكثر من جهاز استخدمته لفترة طويلة وكان ناجح معي قرأت في كثير من المنتديات انه جهاز فاشل
كما اني قرأت الكثير عن اجهزة ذات اسماء رنانه وماركة شركات معروفة والجميع يثني عليها وبعد تجربتها اثبتت العكس ولا اقول فشل كلي الا ان عيوبها اكثر من مميزاتها والأمثلة كثيرة
وبالنسبة للجهاز الي عندي ماهو ملك لشخص وصاحبه ما اعتقد انه يبيعه وبالنسبة للسعر قيمته بحدود ٤٥ الف ريال سعودي من شركته لكن احسب حساب الي يدخله اذا كان ممنوع في دولتكم والتوصيل ولا ادري بكم بالضبط صاحبه شاريه .

الله يوفقنا واياكم لكل خير

الله يسعدك اخوي مشعل ماقصرت ...
طبيعه الارض حره بركانيه ... يعني بالجبال
وانا ابيك تعطيني رايك فيه كمستخدم هو يصلح بالحره
ولا ماجربته ... لانه دخل راسي وشكله بشتريه ههههه
دمت وغنمت اخوي ورزقك وسترك الله سبحانه ...

هلابك اخوي
فييه مثل يقول من شاورك دخل ذمتك
وان شاء الله اعطيك كلام بالذمة وفيما يرضي الله
واقسم بالله العظيم اني اخاف اقول لشخص انصحك بالنوع الفلاني من الاجهزة ويروح يشتري الجهاز ويطلع يفحص فيه اما هو مايعرف يستخدمه او يروح لمكان عاقد عليه الكثير من الامال وهو مافيه شي وبعدها يعتقد ان الجهاز لايعمل ويلحقني بدعوة الله لايوفقه او غيره بدون ذنب لان مسألة الاجهزة والبحث عن الكنوز امست كالقمار عند بعض الاشخاص فتجده يدفع جميع مايملك في سبيل الحصول على جهاز للبحث عن الدفائن .
أما بالنسبة للمحلل الملكي انا ماخليت مكان ماجربته فيه جربته بالحرة وجربته وبالصخور الحمرا المعدنية وجربته بالصبخا وجربته بالطعوس وما اعتقد فيه اهم من كذا تجارب
انا عندي قاعدة ولو انت قريت في هالمنتدى كثير راح تحصلها في اكثر مواضيع البحث بالاجهزة
اثناء البحث في اي جهاز كان واعطاني نتيجة اعيد البحث ثلاث مرات اقل شي واذا ما اعطاني نفس النتيجة في كل مره ماراح اتعب نفسي واحفر وسبق وان جربت حفرت على نتيجة عملية بحث واحدة وماحصلت شي بس تعب ع الفاضي .
الجهاز هذا بحثت فيه بمناطق كثير وسبحان الله ماكتب لي رزق بسبب هالجهاز ، مع انه يعطي احيان وجود اهداف ولكن مع اعادة البحث مايعطي شي أو تتغير القراءة للهدف واذا حفرت احصل حجار او علب حديد اذا كان مسافة الهدف قريبه وسبق وقلت ان الجهاز بالتجربه لمست منه النجاح كما ذكرت في ردودي السابقة لكن في ارض الميدان ماحصلت فيه شي عشان كذا ما احكم عليه ، مع العلم اني في بداية تجربتي للجهاز حكمت عليه انه فاشل لدرجة اني كتبت موضوع في المنتدى قبل حوالي ٦ شهور اسأل عن الجهاز وعن سعره وبعد الممارسة لفترة طويلة تغيرت نظرتي للجهاز كلياً .
عموماً انا شخصياً ماراح اشتري جهاز مثل هذا لسبب رئيسي وهو قيمة الجهاز العالية والخيارات الاخرى المتاحة يعني بقيمته ممكن تشتري ثلاث اجهزه مختلفه الانظمة تفيدك اكثر منه وشاور اهل الخبرة وان شاء الله يفيدونك اكثر وبالنسبة لي انا انصحك تبحث عن جهاز استشعاري موثوق وجهاز حث نبضي فيه خاصية عزل وصدقني لو تحصل جهازين ممتازات بالانظمة الي ذكرت لك وبالتوكل على رب العالمين لن تخطئ الهدف اذا كان موجود
تقدر تفتح موضوع بقسم الشكاوي والاقتراحات بالاستفسار عن الاجهزة المذكورة وراح يفيدونك باحث والاخوان بالمنتدى عن الانواع والاسعار .
لاتقدم على شراء جهاز الا بعد ماتكون عارف في ايش راح يفيدك وتكون دارس الموضوع دراسة كاملة
اتمنى لي ولك التوفيق اخي العزيز انت وجميع الاخوان

اخوي احبكم
هل استخدمت اجهزة بحث قبل كذا ؟
واذا نعم ماهي الاجهزه وابي تحكي لي عن تجربتك

شوف الموضوع هذا ولا تستعجل
http://www.qudamaa.com/vb/showthread.php?t=50743

كل يوم تنزل اجهزة جديدة افضل من الي قبلها

رديت على رسالتك مرتين

صدقت اخوي ...
وبارك الله فيك ...
كل شئ قسمه ونصيب والرزق على الله ...
والحمدالله على كل حال ...
دمت وغنمت وسلمت اخوي ....

بارك الله لكم اخي مشعل في النصائح المفيدة إسال مجرب ولاتسأل طبيب

أولا النظام العلمي ومن بعد الجارب والتمرس على الأحهزة وليس كلام الدعايات

مشكور اخي ابو عبدالله وانتم اهل المعرفة ومنكم نستفيد

العباد تركت رب العباد وتعلقت بأحهزة العباد ونست ان الرزاق هو رب العباد وليس العباد لذلك الذهب ليس لكل العباد إلا من احبه رب العباد وكان له وعاءا طاهرا مع رب العباد حتى لو كان معك أحسن الاجهزة وأغلاها للعباد فلا تنال إلا ماقسمه لك رب العباد