السلام عليكم اخى احمد

فى البداية دعك من بدله الغطس ومادة الحقن

ماهى الشواهد التى وصلت اليها وما الدليل على انها مقبرة ملكية وما الدليل على وجود مقبر من الاساس

اخى الكريم لا اقصد شىء ولكن اريد مساعدتك بجد لذلك حاول تذكر المضوع من البداية وبالتفصيل بالذات فى طبقات الحفر

ولن يبخل عليك احد فى المنتدى ان شاء الله.

بالتوفيق

اهلا استاذ عبده الموضوع يطول شرحه ويحتاج وقت طويل لكن بخصوص سؤالك ما هي الشواهد
اولا المكان في الوجه البحري على بعد حوالي 3.5 كيلو من منطقة اثرية مشهورة
ثانيا وقت الحفر قابلتنا جميع الطبقات واللي تؤكد ان التربة غير عادية مثل طبقة الفحم وطبقة من التراب الناعم مثل رمل البحر
اضافة الى ذلك وجود عضم وشعر طويل في المكان

ثالثا جميع الشيوخ واللي ليهم علاقة بالروحانيات وليس الدجالين واؤكد مرة اخرى ليس الدجالين اكدوا ان المكان فيه مقبرتين وليس مقبرة واحدة

رابعا وهو المهم في الموضوع اننا وصلنا بالفعل للسقف البازلت والوسطا اللي كانت تتولى الموضوع من بدايته حاولوا تكسير السقف ولكن السقف كان صلب جدا ولم تنفع معه مادة او تكسير وعرضوا ثمن بخس للمكان ولما رفضنا توقف الموضوع

خامسا تم الكشف من خلال جهاز متطور احضروه وظهر على الجهاز غرف وظهر على بعد 17 متر في مكان اخر ارتفاعات طويلة وليس غرف

وخلال الحفر قابلتنا طبقة من التراب الناعم الاسود جدا زي الكحل او الدقيق وهي ناعمة جدا وفشلت مواتير الشفط في شفطها والناس اللي كانت عندي جابوا غطاس وحقن الارض تحت بمادة مثل ( الفوم ) وركب ماسورة قطرها 2 مللم وبعدها اتمنعت المادة السودا وتم تطهير المكان ووصلنا بالفعل للسقف
ولكن بعد الاختلاف على السعر كسروا الماسورة ورجعت المية تاني والطبقة الناعمة فوق السقف

ممكن تعمل ايسون او ليسون او ينسون اي حاجه ممكن تجيب الغطاس تاني يكسرلك السقف في الميه عادي .. ممكن تشوف نازله تانيه قريبه بما انك محدد الغرف والمكان الجميع يعتقد ان فيه هوايات ونزلات قريبه تبدأ من 3 متر او اقل كمان لاي مكان.. ممكن تقولنا مين اتأذي بسبب مكانك وقت الشغل ؟ ممكن تقولنا محافظة ايه ؟!

اهلا اخي شريان اتشرفت بمرورك
المكان محافظة الغربية ساعة ونص تقريبا من القاهرة
بخصوص النزلة التانية صعب ننزل اي نزلة تانية لان اساس البيت مش حيستحمل بسبب اننا بنشتغل من 6 سنين ونزلنا اكتر من نزلة وغير كده حضرتك طبقة التراب الناعمة
لما كنا بنحاول نشفطها بالمواتير كانت بتتاخد من تحت اساس البيت واللي عرفته بعد كده ان الطبقة دي كانت بيحطوها تأمين للمكان علشان ما تعرفش توصل للمقبرة واسمها طبقة التكييف يعني زي المهالك

بخصوص سؤال حضرتك هل حجد اتأذى من المكان ؟؟؟ لاء لان اللي كانوا موجودين كان شيخ ومعاه 2 بيحفروا وكان معاه جهة بتجيبله اي طلبات له

السقف بازلت والسقف لانه لشخصية كبيرة وملك كبير معمول بشكل قوي

انا محتاج بس غطاس ومادة حقن الارض تحت ونوصل للسقف تاني او جهة تتأكد من ان المكان فيه وتتعامل معاه بطريقتها بعد التأكد

وفيه تفاصيل تانية ولكن مش هينفع احكيها على العام

المنتدى ده للاسف مفيش اي استفادة منه ولا اي تفاعل يخلي الواحد يتابعه او يفيد ويستفيد منه رغم ان موضوعي يعلم الله مكان هام جدا