مشكور جدا ليكو يا جماعه على الرد بس الموضوع ده مجننى انا عاوز اعرف اذا كان في شئ او لا .بس انا متاكد بنسبة 80% انه يوجد مقبره بس عميقه احساس من جوايا
بص يا أستاذ عبده هوا الارض بحالها فيها تبه واحده تعلو عن بقية الارض 2 او 3 متر ودي شيلناها من زمان بالوادر والجرارات وطبعا واحنا شغالين كان ظهر حوالى حجرين تلاته حجم متوسط لونهم ابيض الواحده مثلا توزن 50 كيلو وواحده 100 كيلو وظهر عظام بس مكنش حد يخطر في باله انه ممكن يكون هنا مقبره فالاشياء دى كلها ضاعت .دلؤتى الارض كلها اتساوت مفيش غير منطقه صغيره هيا اللى باقيه ودى مبنى عليها اوضه علشان كده لسه مشيلناهاش .والفخار ده اللى انا رفعته ظهر ع عمق متر من السطح الحالى للارض يعنى على عمق 4 متر من اصل الارض .الحفار مطلعه وهوا شغال . فهيا الارض زمان من 20 سنه كانت تبه عاليه فى اولها وباقيتها عامله بطن .

ارجو الرد على موضوعى

ملحوظه الاراضى المجاوره فيها عالى وواطى برضه .وتربة الارض ارض رمليه .ارجو الرد السريع بعد اذن حضراتكو . وبالنسبه لصور العظام مفيش دلؤتى عظام كلها اترمت بس مكنش بيظهر عظام كتير

انتو نسيتونى خااالص يا جماااعه ارجو متابعة موضوعى انا تعبت من الموضوع ده مبنااامش

رديت علي رسالتك علي الخاص قدر علمي وقدر المستطاع ..

الرجاء الافاده اخى هاى على الاسئلة .

السلام عليكم استاذ عبده ايه الغيبه دى كلها ؟!!! المنتدى فى اشد الحاجه اليك
انا حابب اقول لحضرتك ملحوظه انا موضوعىده اشبه بموضوع الاخت فى رحاب الله اللى من البحيره فأنا ايضا من محافظة البحيره وعندى نفس الاشياء والدلائل اللى هيا رافعها بس انا فى ارض زراعيه وهي في منزل فالعلامات عندى متعرضه لعوامل بشريه كثيره .
المهم اجابة اسألت حضرتك ..أولا : الارض حاليا كلها متساويه مافيهاش تبه غير منطقه بطول 30 متر ف عرض 4 متر عاليه عن بقيت الارض 2 متر .انما فى الوقت الماضى زمان من 20 سنه كانت الارض كلها في اولها تبه واحده عاليه وبقيت الارض عامله بطن وطبعا مع الاستصلاح شيلنا التبه دى بالوادر والجرارت وساويناها ببقيت الارض ومش باقي منها غير الحته اللى بقول لحضرتك عليها دى ومبنى عليها اوضه علشان كده مشيلناهاش .مع الملاحظه ان افخار ده طالع من تحت التبه دى بعد ماشيلنا وبنساوى ده طلع على عمق 3 متر من (أصل الارض )
وسؤال ملح عليا أوى ..هل من الممكن لجوجل ايرث انه يكشف المقابر تحت الارض ؟
ثانيا هل من الممكن انها تكون مقبره واحده وليها كل الاحجار الجير دى وكسور الفخار دى ويوجد فحم ايضا هرفعلك صوره على هيئة كتل رمل ومتولع فيها مفحمه فى حجم كف الايد .ولا ممكن تكون مقابر جماعيه ؟
ثالثا ايه اقصي عمق ف المناطق اللى زى دي
اما بالنسبه للعظام كله اترمي واحنا شغالين مفيش غير بقايا بسيطه ممكن الاقيها وومكن تكون اتردمت

اولا بالنسبة لجوجل ايرث لا يكشف المقابر تحت الارض

ثانبا فى انتظار الصور

بالتوفيق.

حاضر يا باشا فى خلال خمس دقايق هرفعك الصور