السلام عليكم
ف البدايه أنا حابب أقول ان دي أول تجربة ليا
ومكنتش اعرف قصص التعامل مع المشايخ وهل يا ترى الناس دول صح وكدب
بس ف البيت بتاعنا اجمع شيوخ كتير على مدار سنين انه فيه مقبره فرعونيه تحته
بعد سنين توكلنا على الله وقبل نبدأ بالحفر وكان معانا شيخ بيقول انه روحاني
بدأنا بالحفر ووجدنا اثناء الحفر عظام ووجدنا شقف وكسر فخار وعجنات شبه الجبس وعلى مسافه 4 متر ونص تقريبا وجدنا طبقه من الطوب الأحمر مرصوصه وسط رمل
توقف العمال عن الحفر ف انتظار حضور الشيخ عشان يعرفوا يعملوا ايه لما حضر الشيخ قرأ شوية وقال شيلوا الطوب وكملوا بالنزول وشالوا الطوب واستمروا ف النزول بعد شويه من النزول توقفت الدلايل عن الظهور لمسافه متر او اقل من متر تقريبا وبعد كده بدأ ظهور شقف ف المكان ولقينا زي حتت من فازه وحتته فخار مرسوم عليها عين تقريبا
استمروا ف النزول لحد ما وصلوا لما يسمى بالرمل الأبيض وفيه زي الترتر بتاع الستات بيلمع خفيف وعند مسافه 7 متر تقريبا بدأت الميه ف الظهور وكانت بتزيد ما ننزل لتحت بس كان تحت ف الميه لسه فيه شقف كان العمال بينزلوا ايدهم تحت ف الميه يطلعوا شقف المهم .. قيل ان الميه دي جايه من الأجناب توقفنا لحد ما نشوف حل للميه دي المهم الشيخ معرفش يوصل معانا لحل ومشي .. توقف الموضوع لفتره قصيره لحد ما لقينا شخص ناس قالت انه كويس الشخص ده اول ما جه قال انتوا نازلين غلط المفروض تحت رصة الطوب مباشرة هنعمل قطره ف الجنب ناحية الغرب هننزل بيها لتحت لمسافه 4 متر لجوا هنقابل 3 حيطان حيطه كامله بالطوب الاحمر هنعدي منها هنقابل نص حيطه وبعد كده هنقابل الحيطه بتاعة المكان وكده هندخل المكان من الجنب .. توكلنا علي الله وعملنا القطره تحت رصة الطوب وعلى مسافه 2 متر ونص تقريبا قابلنا 3 حجاره كبار معلقين هو قال هنشيل الحجاره ونكمل .. احنا بصراحه خفنا وقلنا نشوف الاول ايه قصة الحجاره دي .. ياريت حد يفيدني وجزاكم الله كل خير وعلى فكره لقينا بالقرب من الحجاره بقايا فحم وهوايه وبقايا عضم


المكان ف غرب النيل في مركز من مراكز محافظة سوهاج وبالفعل تم التوصل ف اماكن قريبه من المكان الى مقابر فرعونيه

انا هانزل صور لبعض الدلايل وفيديو للحجاره